Тэлеканал «Гродно плюс» прадставіў фільм «Гродна ў кадрах кінахронікі». Ён створаны на аснове дакументальных стужак і распавядае пра развіццё абласнога цэнтра за 75 гадоў, пачынаючы з 1944 года.
Вайна разбурыла 43% горада, вяртанне мірнага жыцця сустрэлі ўсяго 32 200 чалавек — амаль у два разы менш, чым было ў 1941 годзе. Як адзначаецца, фільм зроблены на аснове кадраў кінахронікі з фондаў Беларускага дзяржаўнага архіва кінафотафонадакументаў. У выніку атрымалася новая, ужо гістарычная хроніка развіцця горада пад уладай Саветаў і ў незалежнай Беларусі, піша s13.ru.
Фільм дазваляе ўбачыць незнаёмы шматлікім горад, а таксама панастальгіраваць па некалі ўтапаючым у зеляніне вуліцах. Акрамя таго, у фільме ўзгадваюцца планы пасляваенных кіраўнікоў аб маштабнай перабудове горада са зносам значнай колькасці будынкаў гістарычнага цэнтра.
Прыводзіцца і займальная статыстыка. Так ў 1965 годзе ў гродзенцаў у асабістым карыстанні было 360 аўтамабіляў. А пасля аўтабуму праз тры гады па гродзенскіх вуліцах калясіла ўжо 591 аўто.
Не абышлі ў фільме і дэпрэсіўныя 90-ыя, калі гараджане выжывалі ў новых умовах разам з усёй краінай.
Цяпер збіраць гісторыю хваробы, распытваць аб сімптомах і скаргах, а таксама абагульняць атрыманую інфармацыю будуць…
Дзве шэрыя вароны - Валя і Валера - прылятаюць на балкон да гродзенкі Ганны Дашчэчкі…
Сёлета па ўсёй Гродзенскай вобласці гасцей прымаюць 267 аграсядзіб. Гэта амаль у два разы менш,…
Па будынку былога адміністрацыйнага корпуса "Гранітэкс", а зараз рынку "Карона", пайшла трэшчына. На пашкоджанай сцяне…
Супрацоўнікі «Гродназелянбуда» прыбіраюць гаршчкі з кветкамі, каб расліны не загінулі ад халадоў. Зараз дэмантуюць “зялёную…
У цэнтры Гродна, паміж чыгуначным і аўтавакзалам, на продаж выставілі ўчастак з драўляным домам. Дзякуючы…