Будынак інтэрната «Гроднаэнерга» на Будзённага хочуць разабраць і збудаваць на яго месцы новы

Існуючы будынак інтэрната РУП «Гроднаэнерга» збіраюцца разабраць з захаваннем падмурка адной са знешніх сценаў, піша канал Urban Hrodna. Новы будынак будзе Т-падобнай формы ў плане. Вышыня — тры-чатыры паверхі, са скатным дахам.

Цяперашні трохпавярховы будынак інтэрната збудаваны ў 1957 г. Ён мае прастакутную форму і месціцца на ўчастку 0,2221 га.

Яго памеры ў плане — 15×45 м. Убудаваныя памяшканні разлікова-даведачнага цэнтра філіяла «Гродзенскія электрычныя сеткі» размешчаныя ў паўднёвай частцы будынка на першым і другім паверхах.

Размяшчэнне запланаванай дзейнасці. Крыніца: Urban Hrodna

Паводле праекта, паўночная частка будынка, да якой немагчыма забяспечыць пад’езд пажарных машын, будзе трохпавярховай.

Пад часткай будынка прадугледжаны склеп глыбінёй 2,7 м для інжынерна-тэхнічных памяшканняў.

Убудаваныя памяшканні разлікова-даведачнага цэнтра размешчаны ў паўднёвай частцы будынка на першым і другім паверхах.

Участак, на яким размешчаны інтэрнат. Крыніца: Urban Hrodna

Паркоўкі

Генплан прадугледжвае ўладкаванне трох звычайных парковачных месцаў і адно для людзей з інваліднасцю. Прычына — сціснутыя горадабудаўнічыя умовы. Недахоп парковачных месцаў кампенсуюць за кошт грамадскай паркоўкі на супрацьлеглым баку вуліцы.

Велапаркоўку на 20 месцаў для жыхароў інтэрната прыбудуюць да сцяны будынка помпавай станцыі.

Добраўпарадкаванне і даступнасць

Ганак галоўнага ўваходу ў будынак абсталююць пад’ёмнікам для маламабільных групаў насельніцтва.

Паводле схемы генплана, на ўчастку будуць дзіцячая пляцоўка і пляцоўка для гаспадарчых мэтаў. Сам участак выбрукуюць бетоннай ходнікавай пліткай з магчымасцю заезду аўтатранспарту.

Камунікацыі

Будынак падключаецца да цэнтральных гарадскіх сетак водазабеспячэння, каналізацыі, электразабеспячэння, цеплазабеспячэння ад ЦЭЦ-2.

Праект прадугледжвае частковую перакладку вонкавай цепласеткі са зменай існуючай трасіроўкі. Сістэму ацяплення падключаць да яе па незалежнай схеме праз блочны цеплавы пункт завадскога вырабу.

У жылых памяшканнях інтэрната прадугледжана натуральная вентыляцыя. У разлікова-даведачным цэнтры зробяць адзіную мультысістэму кандыцыянавання. Яе знешнія блокі ўсталююць на пляцоўцы.

Якія варыянты рэканструкцыі распрацавалі

Мэтазгоднасць праекта складаецца ў стварэнні больш камфортных, бяспечных і сучасных умоў пражывання супрацоўнікаў «Гроднаэнерга» і ў падтрыманні будынка і інжынерных сетак у тэхнічна спраўным стане.

Перадпраектная дакументацыя прадугледжвала два варыянты рэалізацыі:

  • будаўніцтва 4-х павярховага будынка, дзе 4-ы паверх мансардны (двухпакаёвых блокаў - 10, аднапакаёвых блокаў - 28, умяшчальнасць для пражывання — 96 чалавек);
  • будаўніцтва 3-х павярховага будынка (двухпакаёвых блокаў - 7, аднапакаёвых блокаў - 22, умяшчальнасць для пражывання — 72 чалавекі).

Таксама магчыма была поўная адмова ад рэалізацыі праекта. На працоўнай нарадзе 25 сакавіка 2022 замоўца прыняў прыярытэтным другі варыянт — будаўніцтва 3-х павярховага будынка.

Інтэрнат размешчаны на тэрыторыі гісторыка-культурнай каштоўнасці «Гістарычны цэнтр Гродна: будынкі і збудаванні, планіровачная структура, ландшафт і культурны пласт» і ў водаахоўнай зоне ракі Гараднічанка.

Мэтавае прызначэнне зямельнага ўчастка (зямлі пад забудовай) зменяць на «для будаўніцтва і абслугоўвання будынка інтэрната з аб’ектамі абслугоўвання». Плошча забудовы інтэрната на наяўным зямельным участку павялічыцца.

Тэрміны грамадскага абмеркавання

Грамадскія абмеркаванні ацэнкі ўплыву будоўлі на навакольнае асяроддзе (АУНА) пройдуць у перыяд з 3 студзеня да 3 сакавіка 2023.

Сход па абмеркаванні АУНА правядуць з 3 студзеня па 26 лютага 2023.

Рашэнне аб запланаванай дзейнасці прымуць да 3 красавіка 2023.

Чытайце таксама:

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025