На вуліцы Вялікай Траецкай хочуць пабудаваць двухпавярховы будынак, які будзе нагадваць той, што стаяў там у мінулым стагоддзі. Ужо анансаваныя грамадскія абмеркаванні праекта, паведаміў Гродзенскі гарвыканкам.
Новы будынак плошчай 500 кв.м. плануюць пабудаваць побач з адрэстаўраваным домам на Вялікай Траецкай, 57. Там хочуць размясціць адміністрацыйна-гандлёвыя памяшканні, месца для гаспадарчага абслугоўвання насельніцтва і грамадскага харчавання. Прылягаючую тэрыторыю плануюць добраўпарадкаваць, азеляніць і арганізаваць паркоўку. Акрамя гэтага, створаць пешаходныя сувязі з улікам існуючага размяшчэння і магчымага руху пешаходаў.
У будынку падключаць электразабеспячэнне, сувязь, водазабеспячэнне і каналізацыю. Цеплазабеспячэнне будзе аўтаномным.
Будынак на вуліцы Вялікая Траецкая патрэбны для аднаўлення гістарычнага выгляду вуліцы. Гэта прадугледжана дэтальным планам гістарычнага цэнтра Гродна да 2030 года. Таксама гэта ўцягне ў гаспадарчую дзейнасць незабудаваны ўчастак і гарантуе добраўпарадкаванне прылягаючай тэрыторыі.
Тэрыторыю плошчай 10 сотак прадалі ў лістападзе 2021 года. Цана ўчастка склала 42,8 тыс. рублёў.
Грамадскія абмеркаванні па ацэнцы ўздзеяння на навакольнае асяроддзе адбудуцца з 6 снежня 2022 па 6 лютага 2023 года.
Яўрэйскі квартал пачаў фарміравацца ў 16 ст. каля Вялікай сінагогі. Да першай паловы 19 ст. гэта быў раён хаатычнай драўлянай забудовы паміж вуліцамі Крывой і Школьнай жыдоўскай. З-за высокай шчыльнасці там часта здараліся пажары.
Самы моцны пажар адбыўся ў 1837 г. — згарэла некалькі дзясяткаў дамоў. На знішчаным пажарам месцы ў 1838 г. губернскія ўлады вырашылі зрабіць гандлёвую плошчу, якая цягам некалькіх дзесяцігоддзяў так і называлася — «Школьны двор». Затым, прыкладна з 1880-х, яе называлі «Рыбная плошча», а ў міжваенны час — «Мясны рынак». Месца дзе плануюць будаўніцтва, раней было часткай «Школьнага двара».
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…