Дадаць навіну
Серада, 14 лістапада 2018, 21:47

«Лепшы ўспамін пра Гродна – хакей». Як кітаянка з францужанкай заўзелі за «Нёман» на фан-сектары

У нядзелю 3 верасня францужанка Орыен і кітаянка Сяося ўпершыню ў жыцці пабывалі на хакеі. Яны патрапілі на матч мясцовага «Нёмана» са швейцарскім «Цугам». Нават нягледзячы на тое, што гродзенская каманда матч прайграла, турысткі ад наведвання хакея засталіся вельмі задаволеныя.

Дзяўчаты прыехалі ў Гродна 2 верасня і пасяліліся ў хостэле «Kip Town». Наведванне хакею дакладна ў планах не было.

«Орыен прыехала да нас першай і яшчэ застала двух франкамоўных хлопцаў з Канады і Камеруна, якія ў апошні дзень лета наведалі хакейны матч у Гродне, – распавядае супрацоўнік хостэла Мікалай. – Хлопцы распавялі дзяўчыне пра матч і пра атрыманыя эмоцыі. Орыен была настолькі ўражаная аповядамі, што без ценю сумневу вырашыла пайсці на наступны матч».

Раніцай 3 верасня ў хостэл прыехала турыстка з Кітая – Сяося. Дзяўчына даведалася, што яе суседка пойдзе на хакей, і папрасіла купіць білет і ёй.

«Можна сказаць, дзякуючы нашым кліентам і папулярызуецца хакей, – кажа Мікалай. – На матч мы зноў узялі банер, толькі памянялі сцягі. Словы захаплення і эмоцыі проста перапаўнялі дзяўчат. За незабыўныя ўражанні дзяўчаты шмат разоў нам дзякавалі. Адна справа, калі турысты самі па сабе шпацыруюць па горадзе, але зусім іншая, калі яны вось на такіх мерапрыемствах».

https://www.youtube.com/watch?v=pgxy3oJreQI

Пасля матчу турысткі падзяліліся сваімі эмоцыямі з Hrodna.life.

Орыен (Францыя):

– Я прыехала ў Гродна ўсяго на адзін дзень, але ў выніку буду заставацца яшчэ на некалькі. Мяне ўразіў горад і яго жыхары. Хлопцы, якія жылі да мяне ў хостэле, дзяліліся вар’яцкімі эмоцыямі пра наведванне хакея ў Гродне. Я таксама вырашыла даведацца, што гэта такое, бо ў Францыі на матчах я ніколі не была. У Гродне на хакеі вельмі крутая атмасфера. Асабліва я шакаваная фанатамі, якія актыўна падтрымлівалі сваю каманду. Дзякуй за незабыўныя эмоцыі.

Сяося (Кітай)

– Тое, што ў Гродне будзе хакей, мне распавяла суседка Орыен і я вырашыла падоўжыць свой час знаходжання ў гэтым горадзе яшчэ на адзін дзень. Я не пашкадавала. Энергетыка ў лядовым вельмі крутая і я рада, што даведалася пра хакей больш, дзякуючы Гродна».

«Лепшы ўспамін пра Гродна - хакей». Як кітаянка з францужанкай заўзелі за «Нёман» на фан-сектары
«Лепшы ўспамін пра Гродна - хакей». Як кітаянка з францужанкай заўзелі за «Нёман» на фан-сектары
«Лепшы ўспамін пра Гродна - хакей». Як кітаянка з францужанкай заўзелі за «Нёман» на фан-сектары

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments
Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Раім пачытаць

Каментары

Spelling error report

The following text will be sent to our editors: