Чым запомніцца гродзенцам восень 2018 акрамя цёплага верасня і туманнага лістапада? Мы ўзгадалі самыя чытаныя, гучныя, важныя або дзіўныя тэмы, пра якія пісалі на Hrodna.life апошнія тры месяцы. Падаем іх храналагічна.
У верасні мы зноў пісалі пра 29-гадовую Машу, якая са сваім холпцам жыла раней у лесе на ўскаіне горада. Пасля нашых публікацый ён дапамаглі аднавіць дакументы, працаўладкавалі і нават паспелі даць інтэрнат. Але ім дзяўчына не скарысталася — яна вярнулася ў лес Маўляў, жыццё ў горадзе і праца ў калектыве гэта не для яе.
«Я вярнулася ў лес, дзе мне стала нашмат лепш. Там я сплю і адпачываю, мяне ніхто не чапае. Тут я адчуваю, што гэта маё».
Гэтай восенню ў нашым горадзе з’явіўся свой Чалавек-Павук — 15-гадовы Яраслаў (насамрэч, ужо трэці гродзенскі чувачок-павучок). Перад тым як у пачатку верасня паказаць сябе гродзенцам на вуліцах горада, хлопец пабываў са сваім касцюмам на Вялікім Фестывалі коміксаў, касплэю і музыкі ў Санкт-Пецярбургу.
Бадай адна з самых скандальных падзей верасня 2018 — тое, што на Старым замку будаўнікі пачалі закладваць сучаснай цэглай абарончую сцяну часоў Вітаўта. На крытыку спецыялісты адказалі: усе працы ідуць згодна з праектам, ды і наогул гэта не Вітаўта сцяна, а навабуд міжваенных палякаў. Дарэчы, праз нейкі час у ход пайшлі ўжо не цэглы, а блокі.
Пачатак кастрычніка гродзенцам запомніўся сотняй порцый бясплатнай шаўрмы ад «ПаркКінга». Першыя ахвотныя паесці нахаляву займалі чаргу да кафэ за дзве гадзіны! Калі акцыя пачалася, у чарзе стаяла значна больш за сто чалавек. Дарэчы, мы разам з «ПаркКінгам» зрабілі класны тэст пра ежу — паспрабуйце яго прайсці!
Жахлівая навіна прыйшла 9 кастрычніка: ноччу на вуліцы Гая ў Гродне ў кантэйнеры для смецця знайшлі цела нованароджанага. Пазней следчыя вызначылі жанчыну, якая нарадзіла немаўля — гэта раней не судзімая 34-гадовая жыхарка Гродна. Яе мацярынства пацвердзілася вынікамі даследавання ДНК. 31 кастрычніка кабету затрымалі.
19 кастрычніка ў Гродна ўпершыню за шмат гадоў завітаў прэзідэнт. Напярэдадні ў горадзе адбываўся сапраўдны хушер: мясцовыя ўлады вырашылі падрыхтавацца да візіта кіраўніка дзяржавы на ўсе сто, таму пафарбавалі нават тыя дамы, якія ўжо вызначаныя па пад знос.
Лістапад быў багаты на тэмы звязаныя з таксі. Дырэктар адной буйной фірмы і простыя таксісты тлумачылі, чаму яна так часта трапляюць у гучныя ДТЗ. Мы зладзілі фінальны заезд «таемнага пасажыра». А самай гучнай стала гісторыя пра тое, як у Гродне два дзясяткі таксістаў з’ехаліся правучыць кліента. Каб паспець на месца і зрабіць для вас рэпартаж, наш Руслан Кулевіч нават сарваўся з заняткаў англійскай мовы!
[irp posts="93 571″ name="Гродзенскія таксісты расказваюць, навошта запрашаюць адзін аднаго на агеньчык""]
У нашай краіне жыць без гумары вельмі складана. 22 лістапада гродзенскі актывіст прыйшоў у суд у турэмнай робе і з драўлянай калодкай. Суд перанеслі.
Нагадаем, 7 лістапада міліцыя затрымала Мікалая Саляніка разам з іншым членам АГП у Гродне Аляксандрам Лаўрэнцьевым за спробу правядзення несанкцыянаванага пікету. У той дзень Салянік і Лаўрэнцьеў прайшлі па цэнтры горада з плакатам «Долой Самодержавие»
У канцы крыху рамантыкі. 27 лістапада заўзятар «Нёмана» зрабіў прапанову сваёй дзяўчыне на хакейным матчы ў Гродне. Жадаем пары шчасця!
Зараз у Гродне працуюць тры ўстановы, якія спецыялізуюцца на bubble tea. Пакаштаваць азіяцкі чай можна…
У Слоніме і Лідзе плануюць паўтарыць гродзенскі "штурм Рэйхстага". На думку старшыні Гродзенскага аблвыканкама Юрыя…
Штораніцы поўныя цягнікі вязуць жыхароў Прушкава, што пад Варшавай, на працу ў сталіцу. Але ёсць…
Навучальны год набліжаецца да канца, і хутка выпускнікі будуць абараняць дыпломы і здаваць апошнія экзамены.…
У Польшчы беспрацоўныя атрымліваюць штомесячную дапамогу каля 1500 злотых (або прыкладна 400 долараў) на рукі.…
Як стаць маладым экстрэмістам? Быць "залатой моладдзю", слухаць хардкор і насіць клятчастую понамку. Так лічаць…