Заўзятар “Нёмана” зрабіў прапанову сваёй дзяўчыне на хакейным матчы ў Гродне

Гэта адбылося на гульні “Нёмана” і “Юнацтва” ў гродзенскім Лядовым палацы 27 лістапада. Арына не чакала ад Аляксандра такога падарунка на дзень нараджэння і ў атачэнні заўзятараў сказала яму “Так!”.

Пара сустракаецца ўжо тры гады. Пазнаёміліся маладыя гродзенцы на хакеі ў Гродне. Менавіта таму Аляксандр і вырашыў зрабіць найважнейшы крок у сваім жыцці падчас гульні любімай каманды. Заўзятары на фан-сектары ведалі пра неспадзеўку і павіншавалі пару адмысловымі майкамі “жаніх” і “нявеста”.

“Гэта было як мінімум нечакана і ўзрушаюча. Я фанатка хакея, гэта для мяне лепшая прапанова”, – сказала Арына.

Адзначым, што ў гэты вечар не толькі Аляксандр і Арына былі на вышыні, але і іх любімая каманда. “Нёман” абыграў “Юнацтва” з лікам 3:0.

Заўзятар "Нёмана" зрабіў прапанову сваёй дзяўчыне на хакейным матчы ў Гродне

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: