Час для летніх пасядзелак на тэрасах хутка пачнецца. Побач з установамі з’яўляюцца столікі, крэслы і навесы. Hrodna.life даведаўся, якія ўстановы ў цэнтры Гродна ўжо выставілі свае летнія тэрасы. У першай частцы: рэстараны і кафэ.
Рэстабар “Гранат”
Рэстабар “Гранат” знаходзіцца на вуліцы Маставой, 31. У меню ёсць ланчы, пасты, сушы.
Летняя пляцоўка: драўляны насціл са столікамі і лавамі з падушкамі, накрытымі парасонамі.
Час працы:
Панядзелак – чацвер: 12:00 – 01:00
Пятніца: 12:00 – 05:00
Субота: 16:00 – 05:00
Нядзеля: 16:00 – 01:00
Гастрабар “Верден”
“Гранат” – не адзіны рэстаран, які размяшчаецца ў будынку былой пальчаткавай фабрыкі на Маставой, 31. Там ёсць кавярні, рэстараны, бары. Адзін з іх – гастрабар “Вердэн”.
Летняя пляцоўка: столікі і лавы з подушкамі наўпрост на тратуары. Замест парасонаў – адзін вялікі дах з тканіны, які можна складваць і раскладваць пры патрэбе.
Час працы:
Панядзелак – чацвер: 08:00 – 00:00
Пятніца – субота: 08:00 – 02:00
Нядзеля – 08:00 – 00:00
Лаўнж-кафэ “Барашка”
Лаунж-кафэ “Барашка” спецыялізуецца на ўсходняй кухні, але ў меню прадстаўлены таксама еўрапейскія стравы. Кафэ знаходзіцца на вуліцы Калючынскай, 23.
Тэраса: закрыты прашклёны “акварыум”, праз якіх амаль нічога не бачна.
Час працы:
Панядзелак – чацвер: 11:00 – 23:00
Пятніца – субота: 11:00 – 01:00
Нядзеля – 12:00 – 23:00
Піцэрыя “Форно”
Піцэрыя на 1-ай Працоўнай вуліцы, 10 вядома тым, што піцу там гатуюць у італьянскай печы на дровах. Ды і гаспадар – сам італьянец.
Летняя тэраса: стандартныя драўляныя сталы і крэслы, а таксама парасоны ад “Лідскага”.
Час працы:
Панядзелак – чацвер: 12:00 – 23:00
Пятніца – субота: 12:00 – 00:00
Нядзеля: 12:00 – 23:00
Чытайце таксама: Справа «з агеньчыкам». Сіцыліец прыехаў у Гродна гатаваць італьянскую піцу на жывым агні
Рэстабар “Пабло”
Рэстабар “Пабло” размяшчаецца на вуліцы Савецкай, 13. Побач – моладзевы цэнтр “Гродна”.
Летняя тэраса складаецца з дзвюх частак: крытага загончыка (ці то “акварыума”, ці то “цялятніка”) і крэслаў са стылёвымі столікамі-бочкамі. Пры патрэбе пляцоўка абаграваецца.
Час працы:
Панядзелак – чацвер: 09:00 – 01:00
Пятніца – субота: 09:00 – 02:30
Летняя тэраса “Клевер”
Летняе кафэ “Клевер” знаходзіцца побач з гандлёвым домам “Нёман” на вуліцы Савецкай, 27. Мае выгляд вялікага драўлянага памосту, агароджанага драўляным плотам-сетачкай. Асабліва вылучаюцца вялізныя парасоны нетыповай формы – візітная картка “Клевера”.
Час працы:
Панядзелак – чацвер: з 10:00 да 23:00
Пятніца – субота: з 10:00 да 00:00
Кафэ “Street food”
Побач з летняй тэрасай “Клевер” у траўні 2022 года адкрылася кафэ “Street food”. Там можна паесці шаўрму, бургеры, хот-догі, а таксама закускі.
Пляцоўка: вялікы крыты памост з вялікім сталамі і канапамі ды асобнымі меншымі столікам з высокімі крэсламі. У агароджы вакол пляцоўкі – жывыя кветкі ў гаршках.
Час працы:
Панядзелак – Нядзела: 12:00 – 23:00
Лаўнж-кафэ “Крыша Мира”
Лаўнж-кафэ размяшчаецца на даху гандлёвага дома “Нёман”. Падняцца туды можна толькі на панарамным ліфце альбо па лесвіцы ў будынку ўнівермага. Падказка ад Hrodna.life: калі да ліфта чарга, то ўнутры будынка ёсць яшчэ тры (!) ліфты: на іх можна даехаць да апошняга паверху, а далей прайсці праз “Большой буфет” і выйсці па лесвіцы на дах. Эканомія часу!
Час працы:
Панядзелак – чацвер: 10:00 – 23:00
Пятніца – субота: 10:00 – 00:00
Нядзеля: 10:00 – 23:00
Чытайце таксама: Стары горад як на далоні: на даху ГД «Нёман» адкрылася назіральная пляцоўка і кафэ
Рэстарацыя “Беласток”
Знаходзіцца таксама побач з гандлёвым домам “Нёман”: у падвале будынка на вуліцы Віленская, 2. У летні час выстаўляе сваю вулічную пляцоўку побач з уваходам у рэстарацыю.
Час працы:
Панядзелак – чацвер: з 11:00 да 23:00
Пятніца – субота: з 11:00 да 01:00
Чытайце таксама: Вяртанне легенды: рэстаран «Беласток» зноў адкрыюць у цэнтры Гродна
Кафэ “Хотей”
Калі ад рэстарацыі “Беласток” павярнуць праворуч, то адразу на вуліцы Ажэшкі,1 можна ўбачыць кафэ “Хотей”. Яно спецыялізуецца на сушы і піцы. Нядаўна усярэдзіне быў вялікі рамонт. А вось летняя пляцоўка не змянілася: той жа крыты прашклёны загончык. Плюс – адносна мяккія крэслы.
Час працы:
Панядзелак – чацвер: з 11:00 да 23:00
Пятніца – субота: з 11:00 да 01:00
Кафэ “Дранікі”
Знаходзіцца на вуліцы Ажэшкі, 35а. Там падаюць традыцыйныя беларускія дранікі з разнастайным начыненнем: ялавічына, свініна, рыба. Таксама можна заказаць пельмені і пакаштаваць самае смачнае ў горадзе самаробнае марожанае.
Летняя пляцоўка: уладальнікі выставілі побач з уваходам два столікі з крэсламі. Мінус – дастаткова шумная і рухлівая вуліцы зусім побач.
Час працы:
Панядзелак – нядзеля: з 10:00 да 22:00
Чытайце таксама:
