Каб заахвоціць гараджан трымаць дыстанцыю ў грамадскіх месцах, журналісты Hrodna.life знайшлі прыклады правільных паводзінаў у гарадской архітэктуры. Падзяліцца здымкамі вырашылі 1 красавіка. Меркаваннем рэдакцыі, добрая парада і усмешка паспрыяюць умацаванню імунітэту чытачоў.
Пазбегнуць небяспекі інфіцыравання можна, застаўшыся дома. Любімыя краявіды горады вам даставіць Hrodna.life. На нашых здымках вы пабачыце прыклады антывірусных паводзінаў у мудрай гарадской архітэктуры.
Дыстанцыю трымаюць воданапорныя вежы Кася і Бася, Стары і Новы замак, анёлы на вежах Фарнага касцёла і нават сфінксы на браме.
Часткі знака ў памяць аб Фары Вітаўта дыстансавалі на бяспечную адлегласць віртуальна. Выглядае нязвыкла, непрыжога і хочацца вярнуць усё на месца? Нам таксама не вельмі камфортна жыць і працаваць на дыстанцыі. Калі эпідэмія міне, усё вернецца на месца. А пакуль – трымайце дыстанцыю і заставайцеся здаровымі.
