Найгоршыя паказчыкі ў рэгіёне. Як каранавірус распаўсюджваецца ў Беларусі і суседніх краінах

У Беларусі на 25 красавіка зарэгістравана 9590 выпадкаў Covid-19. Нягледзячы на ​​тэмпы распаўсюджвання віруса, Беларусь застаецца адзінай краінай у рэгіёне без жорсткіх абмежаванняў для жыхароў.

Па стане на 26 красавіка на 1 млн жыхароў Беларусі налічваецца 1019 чалавек з пацверджанай Covid-19. Паводле гэтага паказчыку наша краіна займае першае месца сярод сумежных дзяржаў.

• Беларусь: 1 019 выпадкаў на мільён, памерлі 67 чалавек,
• Літва: 511 выпадкаў на мільён, памёр 41 чалавек,
• Расія: 467 выпадкаў на мільён, памерлі 615 чалавек,
• Латвія: 421 выпадак на мільён, памерлі 12 чалавек,
• Польшча: 288 выпадкаў на мільён, памерлі 499 чалавек,
• Украіна: 194 выпадкі на мільён, памёр 201 чалавек.

Украіна — выхад з каранціну ў пяць этапаў

Найменшая колькасць заражэнняў на душу насельніцтва сярод суседніх краін у Украіне. Па дадзеных РБК-Украіна на 25 красавіка было выяўлена 8125 заражэнняў — 194 хворых на 1 млн. Украіна з 16 сакавіка закрыла свае межы і ўвяла каранцін. Абмежаванні павінны былі дзейнічаць да 24 красавіка, але Кабінет міністраў Украіны падоўжыў іх да 11 траўня. Выхад з каранціну будзе разбіты на пяць этапаў.

З 11 траўня плануецца дазволіць жыхарам наведваць паркі, скверы, зоны адпачынку, лесапаркавыя і прыбярэжныя зоны, але не дзіцячыя пляцоўкі. Таксама плануецца адкрыць частку аб’ектаў індустрыі прыгажосці, а спартсменам камандных відаў спорту дазволіць трэніравацца. Будзе дазволены гандаль нехарчовымі таварамі, а кафэ змогуць абслугоўваць наведвальнікаў на вынас. Запрацуюць аўтамыйкі, веламагазіны і велапрокаты, а таксама натарыусы, адвакаты, аўдытары.

Польшча — чарговыя паслабленні ў траўні

У Польшчы на ​​25 красавіка выяўлена 11 273 заражаных, паведамляе TVN24. Гэта 288 чалавек на 1 млн. Польшча таксама закрыла межы і ўвяла жорсткі каранцін. З 16 красавіка ў грамадскіх месцах кожны абавязаны прыкрываць нос і рот, але не абавязкова з дапамогай маскі - можна і звычайным шалікам.

---

Чытайце таксама: Лечит или нет? Препарат из польской гуманитарки вызывает сомнения у специалистов

З 20 красавіка ўрад увёў некаторыя паслабленні: дазволена шпацыраваць у лясах і парках, трохі павялічылася максімальная дазволеную колькасць людзей у крамах. З 4 траўня чакаюцца чарговыя паслабленні: адкрыюцца спортпляцоўкі, турнікі, стадыёны, але не больш чым для шасці чалавек адначасова.

Латвія — тэсты пачалі рабіць усім, хто паступае ў бальніцы

У Латвіі на 25 красавіка, як піша Delfi.lv, 804 выпадкі заражэння. Гэта 421 чалавек на мільён насельніцтва. Пачынаючы з Вялікадня ў Латвіі кожны дзень памяншаецца доля пазітыўных тэстаў на Covid-19 у суадносінах з агульнай колькасцю праведзеных тэстаў. Гэта звязана з тым, што тэстаў праводзіцца ўсё больш. З 24 красавіка было вырашана рабіць тэсты на Covid-19 усім пацыентам у прыёмных аддзяленнях бальніц. Гэта трэба, каб абмежаваць распаўсюд каранавіруса і па магчымасці больш аператыўна выяўляць захворванне.

У Літве 25 красавіка налічвалася 1426 выпадкаў заражэнняў - 511 на 1 млн. За суткі было выяўлена ўсяго 16 новых выпадкаў, піша Delfi.lt. Для параўнання, у Беларусі за аналагічны перыяд быў зафіксаваны 751 новы выпадак. Кантроль на межах з іншымі краінамі ЕС падоўжаны да 14 траўня. Пры гэтым каранцінныя меры аслабілі. Напрыклад, з 23 красавіка ўрад Літвы дазволіў адкрыць крамы ў гандлёвых цэнтрах. Каранцін у Літве ўвялі 16 сакавіка. Як паведамляюць эпідэміёлагі, колькасць пазітыўных тэстаў на каранавірус да ўвядзення каранціну складаў 5−10%, цяпер — каля 1%.

---

Чытайце таксама: Евросоюз намерен выделить странам-партнёрам 3 млрд евро на ликвидацию последствий COVID-19. Беларусь попросит кредит

---

У Расіі па дадзеных сайта стопкоронавирус.рф на 26 красавіка было зафіксаваны 74 588 выпадкаў заражэння — 467 на 1 млн.

Швецыя — кепскі прыклад

Яшчэ адна краіна ў Еўропе, дзе ўрад, як і ў Беларусі, не прымае жорсткіх мер па абмежаванні грамадзян, гэта Швецыя. У параўнанні з суседнімі Нарвегіяй і Фінляндыяй, дзе ўведзены каранцін, сітуацыя ў Швецыі выглядае горш.

Паводле інфармацыі Універсітэту Джона Хопкінса на раніцу 26 красавіка:

• Швецыя: 18 177 заражэнняў - 1761 на 1 млн, 2191 смерць
• Нарвегія: 7499 заражэнняў - 1389 на 1 млн, 202 смерці
• Фінляндыя: 4475 заражэнняў - 814 на 1 млн, 186 смерцяў

Як паведамляе ўкраінскі канал «24», пік каранавіруса ў некаторых краінах Еўропы ўжо прайшоў: кожны дзень там фіксуюць усё менш новых выпадкаў захворвання. Першымі пра паслабленне каранціну загаварылі Аўстрыя і Нарвегія, потым да іх далучыліся Чэхія і Данія.

Як пандэмія ўплывае на жыццё ў свеце?

У Расіі ў сакавіку-красавіку зафіксаваны істотны рост продажу алкаголю, піша lenta.ru.

У Кітаі вырасла колькасць разводаў падчас хатняга каранціну. У мясцовых ЗАГСах сцвярджаюць, што прычына ў тым, што «пары занадта шмат часу праводзяць разам дома», — піша nv.ua.