Карыснае

Чым сагрэцца ўвосень: гарачыя напоі ў кавярнях Гродна (зусім без алкаголю)

Восень набірае моцы і надвор’е штодня робіцца халаднейшым. Пытанне «чым сагрэцца?» ўсё больш актуальнае. Паратункам ад халадоў і яшчэ адной нагодай палюбіць восень могуць стаць саграваючыя напоі. Hrodna.life спраўдзіў цэнтральныя кавярні горада.

Цяпло з успамінам пра лета

Суніцы, вішні ці маліна добра пасуюць да традыцыйна саграваючых складнікаў зімовых напояў. У гэтым можна ўпэўніцца, паспрабаваўшы саграваючыя напоі ў кавярні «КофейнЯ» на Савецкай. Адмыслова на халодную пару ў меню ёсць «імбірны напой», «гарачы ліманад» і «аксамітная вішня».

У складзе напояў ёсць традыцыйна саграваючыя складнікі, кшталту імбіра, цынамона, лімона ці лайма. Да іх добра пасуюць свежыя ягады ці пюрэ з садавіны, соўсы з белага ці чорнага шакаладу або настоі з зёлак.

Любы напой можна замовіць у безалкагольным варыянце. За келіх саграваючага напою трэба заплаціць 3,5 — 4 рублі.

Гарачы напой пад жывую музыку

Халодны вечар можа стаць значна цяплейшым, калі завітаць за гарачым напоем у «Раскошу». З саграваючых напояў тут прапануюць імбірны чай з апельсінавым сокам і мёдам за 4,0−4,5 рублі. Глінтвейны ў меню ёсць толькі ў варыянце з алкаголем, але калі папрасіць бармэна асабіста, то яго прыгатуюць з сокам.

Да выбару — чырвоны вінаградны ці яблычны. У складзе такога напою кавалачкі апельсіна і лімона, а таксама сіроп са смакам спецый — гвардзікі і цынамона. Цана за шклянку — 2,5 рублі.

Ад зёлак да экзотыкі

Саграваючыя напоі ў кавярні «Наша кава» маюць смакі ад традыцыйна мясцовых да заманліва-экзатычных.

Меню прапануе гарбату з яблыкам і цынамонам, узвар з імбірам, мятай, лімонам і мёдам, ліпавы настой з мёдам ды іншае. Тут жа можна знайсці масала гарбату ці matchа-латэ. Даволі незвычайна смакуе гарбата з манга і спецыямі.

У складзе напою — палачка карыцы, бадзьян, цынамон, гваздзіка, кардамон, разынкі і апельсін.

Каштуюць саграваючыя напоі ў «Нашай каве» ад 2,5 да 4,0 рублёў.

Паміж пакупкамі

У кавярні «Кіото», што ў адным з гандлёвых цэнтраў, таксама можна знайсці чым сагрэцца ў халады.

Тут прапануюць безалкагольны глінтвейн на аснове соку з вінаграда альбо вішняў. У складзе напою таксама молатыя спецыі і скрылёчкі апельсіна і лімона.

Цана шклянкі напою — 2,5 рублі.

Сагрэцца разам з героямі кніг

Дапаўненнем да саграваючага напою ў кавярні «Шэкспір» можа стаць кніжка — яны стаяць тут на паліцы. А зрабіць каву яшчэ больш саграваючай прапануюць з дапамогай сіропаў.

Напрыклад, з зімовым смакам імбірнага перніка. Цана кавы складае 3,0−3,5 рублі. Таксама ў кавярні вялікі выбар гарбаты — да халадоў можна выбраць чорны чай з дадаткам імбіру ці са смакам садавіны, альбо ягадныя і зёлкавыя гарбаткі.

Варта адзначыць, гарбата падаецца ў імбрыку аб’ёмам паўлітра, таму яго хопіць нават на дваіх. Каштуе любая гарбата 3 рублі.

Шпацыр каля Нёмана да кубка гарбаты

Шпацыр па восеньскай наберажнай добра завяршыць у «Верандзе». Меню гэтай кавярні адметнае шырокім выбарам зёлкавай гарбаты.

З калекцыі на аснове іван-чаю можна выбраць, напрыклад, напой з яблыкам, кветкамі глогу, рабінай, мелісай і абляпіхай, альбо з почкамі сасны, брусніцамі і смародзінай.

Іншыя травяныя напоі маюць у складзе цынамон і гваздзіку, романак, суніцы ці ройбуш. Гарбату падаюць у імбрыку. Порцыя ў 200 мл каштуе 2,0 — 2,5 рублі.

Пералік смачных і карысных саграваючых напояў у гэтым допісе далёка не поўны. Пішыце ў каментах, чым вы грэецеся ў гродзенскіх кавярнях у халодныя дні.

Падзяліцца
Меткі: спажыванне

Апошнія запісы

Тры Белавежскія пушчы. Як агароджы на мяжы змяняюць лес і жывёльны свет у Беларусі, Польшчы і паміж платамі

Белавежская пушча сёння раздзеленая не на дзве, а насамрэч на тры часткі: беларускую, польскую і…

31 сакавіка 2025

«Трэнд — мацоўня, здароўе». Задалі адны і тыя ж пытанні металістам з Беларусі і Польшчы

Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…

26 сакавіка 2025

У гродзенскім ГЦ развяліся прусакі. Куды звяртацца, калі заўважылі насякомых у кафэ ці ў сябе дома

У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…

26 сакавіка 2025

«Магчыма, будзе і новы матэрыял». Вакаліст гурта Ulis Слава Корань расказаў, як эміграцыя не дае яму пісаць

Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…

20 сакавіка 2025

«Мама выпісвала фальшывыя дакументы і дапамагала трапіць у Польшчу». Рэпатрыянтка — пра дзяцінства ў Гродне і эміграцыю ў 1946-м

Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…

18 сакавіка 2025

«Мая зямля — што хачу, тое і раблю». З’ездзілі ў польскую вёску ля мяжы з Беларуссю, куды стараста запрашае жыць усіх ахвотных

У 500 метрах ад плота, узведзенага на польскім баку мяжы з Беларуссю, стаіць вёска Азяраны…

17 сакавіка 2025