Навіны

На беразе Нёмана паміж Новым замкам і драмтэатрам можа з’явіцца гатэль

Бізнес-цэнтр «Замкавы» на вуліцы Заводскай, 13 у Гродне плануюць рэканструяваць. Да яго дабудуюць новы корпус, у якім адкрыюць гатэль. Папярэднюю інфармацыю пра грамадскае абмеркаванне праекта размясціў Гродзенскі гарвыканкам. Што цікава — заднім днём: аб’ява быццам бы з’явілася 26 чэрвеня, а насамрэч — толькі 2 ліпеня.

Будынак на вуліцы Заводскай, 13. Крыніца: «ЯндексКарты»

Адновяць страчаны будынак

У межах рэканструкцыі да бізнес-цэнтра дабудуюць новы дом. Ён будзе паўтараць выгляд і аб’ём існуючага раней, але страчанага будынка. Пасля рэканструкцыі паверхавасць усяго комплексу часткова зменіцца: з двухпавярховага ён стане двух-трохпавярховым. За кошт прыбудовы плошча будынка пашырыцца з 861 кв.м да 1787 кв.м.

Варыянт праекта будучага будынка на набярэжнай. Крыніца: Urban Hrodna

Калі будуць прымаць рашэнне

У ліпені павінны скончыць і апублікаваць справаздачу аб ацэнцы ўплыву на навакольнае асяроддзе (АУНА). Грамадскія абмеркаванні таксама павінны прайсці ў ліпені. У ліпені-жніўні перадпраектную дакументацыю перададуць на дзяржаўную экалагічную экспертызу. Канчатковае рашэнне плануюць прыняць у жніўні.

Што раней размяшчалася ў гэтым будынку

Будынак на вуліцы Заводскай, 13 узвялі паміж 1900 і 1910 годам на скрыжаванні вуліц Броварнай і Пральнага завулку. Дом належаў сям'і Бадылькесаў і быў знесены да 1960 года. Захаваліся прыбудаваныя да яго пральні: у часы СССР там таксама працавала пральня, а зараз гэта бізнес-цэнтр «Замкавы».

Пральны завулак з нямецкімі павозкамі. Яны едуць па пабудаваным немцамі ў 1915 г. драўляным мосце

Чытайце таксама: Участак побач з будучым мікрараёнам Вясенні выставілі на аўкцыён. Што там могуць пабудаваць?

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025