Мадэлі гадзіннікаў лімітаванай серыі "Асоба". Крыніца: luch.by
Гадзіннікавы завод «Луч» выпусціў новую лімітаваную серыю гадзіннікаў «Асоба». Яна прысвечана кампазітару Міхалу Клеафасу Агінскаму.
У калекцыі дзве мадэлі гадзіннікаў. Яны выкананыя з нержавеючай сталі, з раменьчыкам з натуральнай скуры. Механізм хранометраў - кварцавы.
На раменьчыку цясненне нотаў паланэза «Развітанне з Радзімай», які напісаў Агінскі. Цыферблат выкананы па ўзоры кішэнных гадзіннікаў XVIII-XIX cтагоддзяў. На паверхні гадзінніка — з адваротнага боку — выгравіраваны партрэт кампазітара.
У продаж гадзіннікі паступілі 9 студзеня 2024 года. Усяго завод выпусціў 200 хранометраў - кожны мае выгравіраваны парадкавы нумар. Цана гадзінніка — 419 рублёў.
Раней завод «Луч» выпускаў лімітаваныя калекцыі з Ван Гогам, архітэктурай Мінска і персанажам беларускага тэлебачання пачатку 2000-х гадоў - Пацам-Вацам.
У 2019 годзе на заводзе выпусцілі лімітаваную серыю хранометра — з цыферблатам — паменшанай копіяй гадзінніка з паўночнай вежы Фарнага касцёла ў Гродне. Адметнасць цыферблата ў тым, што замест звычайнай рымскай лічбы «IV» чацвёртая гадзіна пазначана спалучэннем чатырох рысак «ІІІІ».
Чытайце таксама: Дз — ГаДЗіннік. 5 фактаў пра гарадзенскую адметнасць на вежы Фарнага касцёла
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…