Чарга з аўтобусаў у бок Польшчы 6 красавіка. Фота: Telegram-канал "Варшавка Граница Брест-Тересполь"
«Хачу адзначыць, што пункты пропуску не безжыццёвыя. Памежнікі нясуць службу па падтрыманні рэжыму і ахове дзяржмяжы. А каб зрабіць максімальна камфортным перасячэнне мяжы ў пункце пропуску „Прывалка“, які функцыянуе, былі пераразмеркаваныя сілы і сродкі», — распавёў «Гродзенскай праўдзе» начальнік Гродзенскай памежнай групы Канстанцін Моластаў.
Паводле яго слоў, літоўскія калегі на афіцыйным узроўні адмовіліся ад выканання дамоўленасцяў па пропуску асоб і транспартных сродкаў. «На практыцы гэта выяўляецца ў з’яўленні чэргаў і павелічэнні часу перасячэння мяжы», — заявіў начальнік памежнай групы.
На ўчастку адказнасці Гродзенскай пагранічнай групы функцыянуе толькі пункт пропуску «Прывалка». У лістападзе 2021 года праз мігрантаў закрылі «Брузгі», у лютым 2023 года пасля прысуду палітвязню Анджэю Пачобуту — «Бераставіцу».
— Наш участак — пункты пропуску «Брузгі», «Бераставіца», «Прывалка» — былі, бадай, самымі запатрабаванымі ў замежнікаў, якія жадаюць скарыстацца «бязвізам». Сёння, і гэта відавочна, парушаныя ўсе лагістычныя маршруты. Каб трапіць у нашу краіну, да прыкладу, паляку трэба пераадолець сотні кіламетраў і дзясяткі гадзін у дарозе. І гэта следства непапулярных рашэнняў сумежнага боку, — лічыць Моластаў.
За 2023 года памежнікі затрымалі больш за 170 парушальнікаў закона аб дзяржмяжы, аформілі 400 тысяч чалавек і амаль 180 тысяч транспартных сродкаў.
З аховай мяжы, па словах Маластова, дапамагае мясцовае насельніцтва ў прыгранічных рэгіёнах. У Шчучынскім, Гродзенскім, Бераставіцкім і Свіслацкім раёнах функцыянуюць добраахвотныя дружыны. Як менавіта яны дапамагаюць, Моластаў не ўдакладніў.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…