Яніна Юргілевіч. Крыніца фота: Рэспубліканская калегія адвакатаў
Гродзенскую адвакатку Яніну Юргілевіч затрымалі 17 кастрычніка перад абвяшчэннем прысудаў па «справе Аўтуховіча». На працэсе яна абараняла аднаго з членаў сям'і Рэзановіч, асуджаных па гэтай справе.
Абноўлена. У хуткім часе пасля затрымання Яніну Юргілевіч адпусцілі, паведамілі крыніцы Hrodna.life.
Пра здарэнне паведамілі актывісты «Free Belarus Women» са спасылкай на відавочцаў. Адвакатку затрымалі пры ўваходзе на тэрыторыю турмы каля КПП. На рагу будынка турмы яе чакалі супрацоўнікі спецслужбаў. Калі яна прыйшла, тыя падалі сігнал іншым супрацоўнікам. Хутка пад’ехаў бус, з якога выйшаў мужчына і паказаў дакументы. Два іншыя чалавекі забралі адвакатку пад рукі і звезлі, распавялі сведкі.
У сувязі з затрыманнем Яніны Юргілевіч была вылучана замена адваката за вельмі кароткі час.
Яніна Юргілевіч працуе ў юрыдычнай кансультацыи Ленинскага раёна Гродна. Адвакацкі стаж — больш за 28 гадоў, спецыялізацыя — грамадзянскае і крымінальнае права.
Таксама яна маці былой адвакаткі Юліі Юргілевіч, затрыманай 30 жніўня. Юлію Юргілевіч пазбавілі адвакацкай ліцэнзіі ў лютым 2022 года. Да таго яна прапрацавала адвакаткай амаль 18 гадоў. Пасля пратэстаў яна была адной з тых, хто ўзяўся абараняць абвінавачаных па палітычных справах. Сярод яе кліентаў - палітзняволены мастак Алесь Пушкін, музыка Ігар Банцэр, абвінавачаныя па «справе Зельцара», блогер Вадзім Ермашук, Таццяна Саўко, Андрэй Блахінскі, Вольга Верамеенка з крамы «Адметнасць», абвінавачаная па справе аб счэпцы Ала Гарацкевіч, Андрэй Сакалоўскі па той жа справе, Андрэй Аўсіевіч, асуджаны за каментар.
Пасля страты ліцэнзіі на дзейнасць Юлія з’ехала з Беларусі, але пазней вярнулася.
Чытайце таксама: «Хачу паглядзець ім у вочы». Успамінаем крымінальныя справы адвакаткі Юліі Юргілевіч, якую затрымалі ў Гродне
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…