Навіны

Гродзенскаму актывісту далі 10 сутак арышту. На судзе яго падтрымлівала Канапацкая

Гродзенскаму актывісту Ежы Грыгенчу 13 ліпеня ў судзе Ленінскага раёна прысудзілі 10 сутак адміністрацыйнага арышту з адтэрміноўкай за ўдзел у акцыі «Ланцуг салідарнасці».

Судзілі Грыгенчу па ч. 3 арт. 23.34 КаАП (удзел у несанкцыянаваным масавым мерапрыемстве). Сведкамі на судзе выступалі супрацоўнікі АМАПу. 19 чэрвеня яны бачылі Ежы на вуліцы Маставой каля драмтэатра. Супрацоўнікі праваахоўных органаў палічылі, што актывіст стаяў у «Ланцугу салідарнасці» і лаяўся матам.

Сам Грыгенча не згодны з рашэннем суда і лічыць, што судзяць яго па надуманай справе — хочуць прыбраць перад выбарамі.

«Я не ўдзельнічаў у масавым мерапрыемстве, — распавядае Грыгенча. — Я сябра ініцыятыўнай групы Ганны Канапацкай, я павінен быў збіраць подпісы ў той дзень. Ішоў у краму „Сувораўскі“, хацеў купіць каўбасы. Праходзіў міма акцыі, вітаўся з людзьмі. Ну, а як мне яшчэ было прайсці праз мост? Пераплысці Нёман? На судзе копія пратаколу была не падпісаная, няма прозвішчаў сведак. Незразумелае відэа паказалі. Маё меркаванне: яны ведаюць, што гэта палітычны працэс і ў іх быў гатовы прысуд. Супрацоўнікі міліцыі ўжо не хочуць хадзіць у суды, нават не падпісваюць дакументы. Знахабіліся, проста аддаюць недапрацаваныя справы ў суды, а нас за гэта судзяць. Так не павінна быць».

Ежы Грыгенча і Ганна Канапацкая каля суда Ленінскага раёна Гродна. Актывісту прысудзілі 10 сутак адміністрацыйнага арышту

Чытайце таксама: Анна Канопацкая приехала в Гродно поддержать в суде активиста

Праваабаронца Раман Юргель з Беларускага Хельсінкскага Камітэта быў на судзе. Яго таксама здзівілі недапрацоўкі ў справе.

«Грыгенча — каардынатар і сябра ініцыятыўнай групы аднаго з прэтэндэнтаў. Паводле выбарчага кодэкса, ён на законных падставах збіраў подпісы і нічога не парушаў. Такая несуразмернасць пакарання кажа пра тое, што камусьці яго грамадская актыўнасць псуе зводкі. Беларусь ратыфікавала Міжнародны пакт аб грамадзянскіх і палітычных правах, павінна выконваць арт. 19 і арт. 21 (свабода выказвання меркавання і свабода мірных сходаў) і даваць права сваім грамадзянам карыстацца сваімі грамадзянскімі і палітычнымі свабодамі. І пагрозу нацыянальнай бяспецы і грамадскаму парадку ўдзельнік выбарчай кампаніі ўжо ніяк не мог прадстаўляць», — адзначыў Раман Юргель.

Што за акцыя пратэсту?

У Гродне 19 чэрвеня, а 19:00 пачалася акцыя салідарнасці з вязнямі. Людзі расцягнуліся ланцугом ад дома Мураўёва на Савецкай плошчы да філармоніі. Машыны, што праязджалі міма, актыўна сігналілі. Усяго ў ланцугу стаяла каля 600 чалавек. Пазьней акцыі паўтараліся, але ўжо не былі такімі масавымі.

Ежы Грыгенча — сябра Аб’яднанай грамадзянскай партыі. У 2019 годзе яго судзілі за ўдзел у акцыі супраць інтэграцыі Беларусі з Расіяй, у 2017 — за ўдзел у Маршах недармаедаў.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025