На гродзенскай пешаходцы новы інструмент: рамеснік грае на самаробнай ліры

Два гады Андрэй Ганчарэнка не граў на Савецкай. Гродзенцам ён знаёмы не толькі як рамеснік, але і як казачны падарожнік, які грае на флейце. 23 чэрвеня ён выйшаў на пешаходную вуліцу ў новым вобразе і з лірай, якую сам змайстраваў.

Ужо пяць гадоў у Андрэя з жонкай на вуліцы Савецкай ёсць гандлёвая кропка з уласнай сувенірнай прадукцыяй. Мужчына грае побач, музыка для яго гэта хобі.

«Два гады не граў, але вось вырашыў выпрабаваць ліру, якая заляжалася ў скрыні. Зрабіў мініяцюрную версію – вулічную, хачу паглядзець як яна працуе і якая будзе рэакцыя ў гараджан».

Гродзенцы ацанілі новы вобраз рамесніка і яго інструмент. Многія здымалі тое, што адбываецца, на відэа.

«Хочацца не проста граць, а прыносіць задавальненне сабе і навакольным», – дадаў Андрэй.

Грае ён у асноўным свае мелодыі. У Андрэя ёсць нават дыск з уласнымі мелодыямі на флейце. З лірай дыска пакуль няма, ён у працэсе стварэння.

На гродзенскай пешаходцы новы інструмент: рамеснік грае на самаробнай ліры
На гродзенскай пешаходцы новы інструмент: рамеснік грае на самаробнай ліры
На гродзенскай пешаходцы новы інструмент: рамеснік грае на самаробнай ліры
На гродзенскай пешаходцы новы інструмент: рамеснік грае на самаробнай ліры

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Spelling error report

The following text will be sent to our editors: