Першы дзень фестывалю прайшоў 29 ліпеня і прыцягнуў у цэнтр сотні наведвальнікаў. Кожны мог знайсці сабе занятак і стаць як назіральнікам, так і ўдзельнікам фестывалю: прыняць удзел у майстар-класах па танцах, сфатаграфавацца з жывымі статуямі ці стаць акторам у «самай вусатай здымачнай групы».
У гэтым годзе Біг-Міні-Фестываль вулічных мастацтваў стаў міжнародным: на яго прыехалі калектывы з Расіі, Украіны, Літвы, Польшчы і Беларусі. На фестывалі былі прадстаўлены розныя віды вулічнага мастацтва: пантаміма, фокусы, аніматарства, эксперыментальныя тэатры, музыка, фаершоу. Працавала некалькі пляцовак у цэнтры і ўся Савецкая вуліца была напоўнена творчымі калектывамі. Падсілкавацца можна было на фудкорце каля галоўнай сцэны на Савецкай плошчы.
Скончыўся вечар двухгадзінным фаершоу, на якім выступілі 16 каманд з Украіны, Расіі і Беларусі. Смачна пахла керасінам, гучна грала музыка, а гледачы першых шэрагаў адчувалі цяпло ад вагню, з якім літаральна гуляліся фаершчыкі.
На другі дзень, 30 ліпеня, жыхары горада змогуць бясплатна прыняць удзел у арганізаваных майстар-класах ад удзельнікаў фестывалю. Сярод іх танцы, гукавая медытацыя, гульня на музычных інструментах, хада на хадулях, тактыка і стратэгія сцэнічнага бою і майстар-клас па працы з агнём. Таксама ў праграме выступленне дыджэяў і польскага тэатру Teatr 6 I Pol на Савецкай плошчы.
Белавежская пушча сёння раздзеленая не на дзве, а насамрэч на тры часткі: беларускую, польскую і…
Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…
У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…
Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…
Крысціна Мішчук (Пянткоўская) нарадзілася ў 1933 годзе ў Гродне ў сям'і мясцовай інтэлігенцыі. Каталічка. Тата…
У 500 метрах ад плота, узведзенага на польскім баку мяжы з Беларуссю, стаіць вёска Азяраны…