Танцы, вініл і дрэды: у бары «Quester» прайшла першая вечарына з дыджэямі

Першая «вінілавая» вечарынка ў гродзенскім бары «Quester» прайшла 10 красавіка. Там выступілі DJ Tranjir і DJ Lenin з Мінска. У бары гучала ямайская музыка — ска, рэгі, рокстэдзі, 2 Tone, якая папулярная ў асяроддзі скінхэдаў-антыфашыстаў.

Вечарына сабрала некалькі дзясяткаў гродзенцаў. Да яе пачатку ў бары пашырылі прастору — прыбралі перагародку паміж памяшканнямі, якія раней займаў квэструм.

Дыджэі прыехалі ў Гродна ўпершыню. Яны прадстаўляюць рух 2/4 MINSK SOUND SYSTEM. Гэта незалежнае аб’яднанне неабыякавых людзей, якое дзейнічае з 2008 года. Яны граюць музыку розных стыляў: ад punk/oi/hardcore, folk, surf, country да ska, reggae, rocksteady.

Чытайце таксама: В Гродно открылся бар, куда не пустят расистов и сексистов