Гродзенцы назвалі любімыя шаўрмічныя горада

Гродзенка Святлана Васіленка пацікавілася ў Threads, дзе гараджане ядуць шаурму. Hrodna.life вывучыў адказы гродзенцаў і склаў топ 5 устаноў, якія гараджане лічаць лепшымі.

Шаурма #1: невысокі кошт і свежыя прадукты

Гродзенцы раяць браць менавіта з ялавічынай. Анастасія купляла шаурму ў Пышках і адзначае, што «выкананне выдатнае». «Лаваш на грылі прапякаюць. Ялавічына не сухая. Гародніны дастаткова. Сакавіта», — піша дзяўчына.

Карыстальніца пад нікам Vitalina прытрымліваецца такога ж меркавання. Яе фаварыт — арабская шаурма з даданнем курыцы і сыру чэдар. «Смачна, кошт невысокі, заўсёды ўсё свежае і выбар добры», — адзначае гродзенка.

Установы сеткі працуюць па трох адрасах: на Ажэшкі, 47, на Янкі Купалы 67А і на Савецкай, 2А.

Кафэ адкрыты з 10 раніцы да 23 вечара.

Кафэ «Сайгон» на «Паўднёвым» рынку: гарбата у якасці бонуса

Адразу некалькі гродзенцаў выказаліся за шаурму ў «Сайгоне» на «Паўднёвым» рынку. «Смачней я яшчэ нічога не ела», — напісала Марыя. «Вельмі смачная шаурма. Калі я захачу шаурмы будуць браць толькі ў іх. Абслугоўванне на вашым узроўні і доўга чакаць не прыйшлося, вельмі мілы кухар! Яшчэ і гарбату бонусам далі», — адзначае Slandam Big.

Установа знаходзіцца ў 42-ім павільёне. Час працы: з 8 раніцы да 15:30 дня.

«Анталья Донер»: шмат начыння і вялікія памеры

Яшчэ адна ўстанова, якую любяць гродзенцы, — «Анталья Донер». «Дзе толькі ні быў, але Анталья Донер — фаварыт. Шмат начыння, соўс той самы стандартны, які павінен быць. І па памерах проста ваў», — адзначае Арсений Орлов.

У кафэ акрамя шаурмы падаюць гёзлеме — турэцкую аладку з начыннем, а таксама турэцкую пахлаву.

Установа знаходзіцца на Вялікай Траецкай, 29. Час працы — з 10 раніцы да 22 вечара штодня.

«Шаурма City»: смажанае цеста і шмат сыра

Галоўны хіт установы — шаурма крыспі, якую абсмажваюць перад падачай. «Сырная шаурма вельмі смачная, шмат сыра. Вясковая таксама топ», — лічыць Анастасія. «Дзякуй вам за крыспі шаурму — гэта самая смачная шаурма, якую мы елі ў Гродне», — адзначае tatianka_stas.

Кафэ працуе па двух адрасах: на Ткацкай, 4 і на Вясенняй, 1. Установа адкрыта з 10 раніцы да 22 вечара штодзень.

«Шаурма Time»: гатуюць па госту

Некалькі гродзенцаў выказаліся за шаурмічную Time. «Найсмачная шаурма на Вішняўцы. Вартая сваіх грошай. Бяру там часта, калі праязджаю міма», — распавядае Іван. «Вельмі смачная, правільная і гарачая шаурма па госту», — дзеліцца Дзмітрый.

Установа працуе па адрасе Паўднёвая, 6. Кафэ адкрыта з 11 раніцы да 22 вечара.

Чытайце таксама: Якія новыя ўстановы з’явіліся ў Гродне за паўгады, а якія зачыніліся?