Горад

Бацькава шабля, дзедава шашка і бераставіцкі воўк. Анатоль Грышук распавёў, як сямейная гісторыя стала гарадскім музеем

— Адкрыццё музея не ўваходзіла ў мае надзённыя жыццёвыя планы, але атрымалася, нібы сам лёс мяне да гэтага падштурхнуў, — расказаў Анатоль Грышук парталу planetabelarus.by. — Бог даў мне магчымасць нешта стварыць у гэтым жыцці. Напрыклад, тыя ж «Каробчыцы», якія нараджаліся без генпланаў, падрадаў і знакамітых дызайнераў. Усё сам — мераў абцасам і мроіў: тут будзе тое, тут — гэта.

«Грышук Арсенал» ствараўся гэтак жа — з гісторыі сям'і, асабістых пераваг, падарункаў сяброў і цікавасці да роднага горада. Hrodna.life абраў 5 фактаў пра музей з інтэрв'ю ўладальніка.

1. На стварэнне музея натхніла зброю дзеда і бацькі

Грышук кажа, што пачалося ўсё з уланскай бацькавай шаблі, з якой гуляў у дзяцінстве, і знойдзенай пазней шашкі дзеда, які служыў у ахове расійскага цара.

«Я зацікавіўся прыватнай гісторыяй сваёй сям'і - і халоднай зброі агулам. Мой бацька нарадзіўся ў польскім горадзе Ломжы, у чыне малодшага афіцэра служыў уланам у Сувалках, меў польскія ваенныя ўзнагароды за баявыя заслугі: ордэн Virtuti military і медаль «За ўдзел у абарончай вайне 1939 года».

Анатоль Грышук пра бацьку: «Ён ніколі не дзяліўся з намі ўспамінамі са свайго вайсковага мінулага, не спрыяльны тады быў час. У 1943 годзе ўланаў распусцілі: хочаш — ідзі ў армію Краёву, хочаш — дадому. Бацька вярнуўся дадому, што яго і выратавала. А ў 1944 годзе яго прызвалі ўжо ў Савецкую Армію, і тут ён таксама праявіў баявую доблесць — і быў узнагароджаны ордэнам Чырвонага Сцяга»

Чытайце таксама: Халодная зброя, рыцарскія даспехі і сямейныя рэліквіі. Былы дырэктар мясакамбіната адкрыў у Гродне галерэю-музей

2. Сямейным ўзнагародам адведзена асобная вітрына

Толькі ў самага Грышука іх больш за паўсотні. Самай незвычайнай узнагародай у экспазіцыі Грышук лічыць «Ордэн Усмешкі» ад ЮНЕСКА. Ён атрымаў яго за шматгадовую дапамогу дзецям. Паводле традыцыі, пры ўручэнні гэтага ордэна трэба выпіць шклянку цытрынавага соку. Абавязкова — з усмешкай.

3. Частка экспазіцыі пра хобі Грышука — паляванні і рыбалцы

«Дзе я толькі не паляваў! Самыя вялікія замарочкі былі ў Аўстрыі, дзе мяне спачатку застрахавалі на два мільёны, вазілі правяраць, ці ўмею я страляць, пасля чаго трэба было здаць экзамен, затым атрымаць пасведчанне — і толькі тады ўжо дазволілі паляваць [ … ] я ж люблю і „ціхае паляванне“, заўзяты грыбнік. А што наконт іншых трафеяў… Расамаха здабытая на Чукотцы, зайцы і мядзведзь таксама адтуль, воўк — бераставіцкі».

Чытайце таксама: «Гонім, каб захаваць традыцыі». Самагонку і медавуху наліваюць гасцям у Каробчыцах

4. Спорт — у памяць пра сябра

«Гэта медалі Аляксандра Курловіча, двухразовага алімпійскага чэмпіёна па цяжкай атлетыцы: Сеул, Барселона. Мы сябравалі, ён перада мной займаў пасаду сенатара. Аляксандр вельмі хваравіта ўспрыняў скарачэнне яго пасады прадстаўніка алімпійскага камітэта па Гродзенскім рэгіёне. І хутка «згарэў»… яму трэба было адчуваць сябе патрэбным, пры справе. Мне вельмі крыўдна за такое стаўленне да былых спартыўных лідэраў!

Напрыклад, у Японіі алімпійскі чэмпіён любога часу можа з двума сваімі гасцямі наведаць любы рэстаран, і яго чэк, за выключэннем спіртнога, пагасіць алімпійскі камітэт краіны".

Чытайце таксама:

5. Да чаго тут масоны

«О, масоны — асобная тэма, у Гродне яны былі вельмі ўплывовыя. Самы выбітны — граф Раман Ігнацы Патоцкі, сын познаньскага ваяводы, у 1780 годзе стаў кіраўніком масонскай ложы. Адна з 13 аб’яднаных ложаў Кароны і Літвы знаходзілася ў Гродне. У нас прадстаўлены друк, нагрудныя знакі, цырыманіяльныя мячы розных ордэнаў».

Чытайце таксама: Ж — Жылібер. Батанік і масон, што даў імя парку. 5 фактаў пра самага вядомага ў Гродне француза

Анатоль Грышук: «У нашым музеі ў асноўным прадстаўлена парадная зброя. Зброя, якой забівалі, мяне не прыцягвае»
Падзяліцца

Апошнія запісы

«Каб цябе пярун забіў!» Як неверагодны пярун 90 гадоў таму трымаў у страху Гродзеншчыну

“Каб цябе пярун забіў!” - адзін з найбольш вядомых беларускіх праклёнаў. У 1934 і 1935…

22 красавіка 2025

Гродзенцы адкрылі грыбны сезон. Дзе ў вобласці шукаць смаржкі і іншыя грыбы?

З надыходам цяпла ў заходніх рэгіёнах Беларусі - Гродзенскай і Брэсцкай абласцях - сталі з'яўляцца…

22 красавіка 2025

Аліўкавыя, залатыя і мармуровыя яйкі. Трэнды Tik Tok на Вялікдзень 2025

Змяшаць два знаёмыя спосабы афарбоўкі яек і атрымаць аліўкавы колер, знайсці спосаб з дапамогай хімічнай…

17 красавіка 2025

«Усё жыццё мару, што нехта са сваякоў знойдзецца». Гродзенка расказала, як пасля вайны не змагла з’ехаць у Польшчу і трапіла ў Казахстан

Яніна Міхайлаўна Земба нарадзілася ў Гродне ў 1934 годзе. Падчас нямецкай акупацыі яе маму вывезлі…

10 красавіка 2025

Мільярды еўра — Варшаве, мільёны — Мінску. Параўналі, як Польшча і Беларусь выкарыстоўвалі еўрапейскія гранты

«Еўрасаюз нам не патрэбен!» Гэты наратыў папулярны не толькі ў беларускай прапаганды, але і ў…

9 красавіка 2025

Як з беларускіх зямель даплывалі да Амерыкі 100 год таму: расказвае падкаст «Зямля свабоды»

У пошуках лепшага жыцця тысячы людзей выязджалі з беларускіх зямель больш за сто год таму.…

9 красавіка 2025