5 краін і 8 гатункаў: У Гродне аднымі з першых у свеце прадэгуставалі каву новага ўраджаю

Капінг, ці дэгустацыя кавы, прайшоў у гродзенскай кавярні “Справа” 31 жніўня. Госці пакаштавалі каву з Нікарагуа, Коста-Рыкі, Кеніі, Сальвадору і Гандураса. “Збор зерняў толькі пачаўся, так што гродзенцы аднымі з першых у свеце ацанілі смак кавы новага ўраджаю”, – адзначыў арганіатар капінгу Зміцер Захарка. Таксама імпрэза адзначылася першай “задакументаванай” абсмажкай кавы ў Гродне.

Першая кава гродзенскага смажання

Найноўшая гісторыя кавы ў Беларусі бярэ карані ў Гродне, мяркуе Зміцер Захарка. Тут пачыналі развіваць кававы бізнес і культуру спажывання кавы амаль усе з заснавальнікаў  кампаніі па абсмажванню кавы Single Step. Праз тое і першую прэзентацыю кавы новага ўраджаю вырашылі праводзіць у Гродне. Пазней мяркуецца правесці шэраг прэзентацый у іншых гарадах.


Гродна – беларуская сталіца кавы. 5 аргументаў “за” ад экспертаў


Яшчэ адной адметнасцю капінга ў Гродне стала прэзентацыя абсталявання для абсмажвання кавы – міні-ростера. Так што удзельнікі імпрэзы пачаставаліся кавай першага афіцыйнага гродзенскага абсмажвання.

5 краін і 8 гатункаў: У Гродне аднымі з першых у свеце прадэгуставалі каву новага ўраджаю

“Сёння у нас шмат новых людзей з новых кавярняў. З большага тут прафесіяналы – барыста, што працуюць у кавярнях і рэстаранах. Але таксама шмат нашых пастаянных наведвальнікаў, якія цікавяцца кавай”.


Ад элітнага да даступнага: коратка пра гісторыю кавы і гарбаты ў Гродне і Беларусі


5 краін і 8 гатункаў: У Гродне аднымі з першых у свеце прадэгуставалі каву новага ўраджаю

Восем гатункаў з пяці краін. Які самы лепшы?

Сутнасць капінгу – навучыцца адрозніваць смак кавы з розных краінаў і розных спосабаў апрацоўкі. Гродзенскім дэгустатарам давялося пакаштаваць 8 гатункаў кавы з пяці краін. Кіслінка, слодыч, горыч, ананас, шыпшына, сушаная садавіна – толькі кароткі пералік усіх адценняў смаку, якія змаглі адчуць удзельнікі. Якая ж кава самая лепшая? Адказ, меркаваннем прафесіяналаў, просты: Самая лепшая кава – тая, што падабаецца менавіта вам.


Фестываль кавы PRO COFFEE


5 краін і 8 гатункаў: У Гродне аднымі з першых у свеце прадэгуставалі каву новага ўраджаю

Правільна вызначыць найбольшую колькасць гатункаў удалося Юліі Дарашкевіч. Хаця яна не працуе у кававым бізнесе, а толькі цікавіцца кавай “для сябе”. “Я не барыста і не прафесіянал. Проста люблю каву, набываю зерне і заварваю альтэрнатыўным шляхам дома. Цікава больш даведацца гісторыю кавы, які шлях яна прайшла ад плантацый да філіжанкі. Хочацца ведаць што ты п’еш, і як яно у твой кубак патрапіла”.

5 краін і 8 гатункаў: У Гродне аднымі з першых у свеце прадэгуставалі каву новага ўраджаю

А вось любімага гатунка кавы ў Юліі няма:” Імкнуся кожны раз пакаштаваць штосці новае і не спыняцца на нечым адным”.

Кантраст і сіметрыя – таямніцы латэ-арту

Працягам імпрэзы стаў майстар-клас па малюнках на каве латэ. Як расказалі барыста, галоўная фішка малюнка – сіметрычнасць. Ён мае удала выглядаць для госця, з якога б боку той не ўзяў філіжанку. Далей – справа густу і практыкі. З традыцыйных сардэчкаў ці лісцікаў прафесіяналы ствараюць малюнкі, вартыя міжнародных чэмпіянатаў.

5 краін і 8 гатункаў: У Гродне аднымі з першых у свеце прадэгуставалі каву новага ўраджаю

Несці культуру кавы і дапамагаць развіваць бізнес

Па словах Віталя Фільмановіча, што загадвае вытворчасцю абсмажкі кавы, кампанія плануе і надалей распаўсюджваць культуру спажывання кавы ў Беларусі. Далейшы крок у гэтым накірунку – адкрыццё навучальнага курса для ахвотных адкрыць уласную кавярню.

5 краін і 8 гатункаў: У Гродне аднымі з першых у свеце прадэгуставалі каву новага ўраджаю

“Шмат людзей прыходзяць і кажуць, што адкрылі кавярню, але нічога не атрымліваецца – усе рушыцца, не хапае грошай на арэнду. Гэта і праўда спецыфічны бізнес. Зусім не тое, што трымаць СТА ці цырульню. У нас ёсць досвед адкрыцця некалькіх кавярняў і вытворчасці абсмажвання кавы. Таму зараз можам  падказаць, на што звярнуць увагу і як пазбегнуць падводных камянёў”.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Spelling error report

The following text will be sent to our editors: