«Задача – зрабіць жывымі». Гродзенскі майстар аднаўляе 90-гадовыя буцы для музея футбола

Футбольныя буцы, якія знайшлі ў пачатку года ў адным з падвалаў Гродна, сталі аднаўляць. У будучыні іх выставяць у музеі футбола, які стварае “Нёман”.

Больш за дзесятак футбольных буцаў гадамі ляжалі ў кучы смецця ў падвале аднаго старога дома ў Гродне. Іх знайшоў гродзенец Вячаслаў Сяліцкі, калі парадкаваў падвал.


Гродненец нашел футбольные бутсы, в которых могли играть 90 лет назад


Мужчына адзначаў, што знайшоў своеасаблівую капсулу часу і з вялікім задавальненнем гатовы быў яе перадаць у які-небудзь музей горада. Футбольны “Нёман” аператыўна адгукнуўся і на наступны дзень пасля нашай публікацыі звязаўся з Вячаславам. За знаходкай прыехаў знакаміты ў мінулым гродзенскі футбаліст Сяргей Саладоўнікаў, які сёння з’яўляецца дырэктарам СДЮШАР “Нёман”. Ён жа і заняўся аднаўленнем буцаў.

«Ніхто не хацеў брацца за гэтую працу, але мы знайшлі аднаго спецыяліста, які вырашыў паспрабаваць, – распавядае Сяргей Саладоўнікаў. – Каля месяца ў вольны час ён займаўся толькі адным чаравіком. І ў выніку нешта атрымалася. Будзем яшчэ спрабаваць».

«Задача - зрабіць жывымі». Гродзенскі майстар аднаўляе 90-гадовыя буцы для музея футбола
Справа – адноўлены буц

«Мы не спяшаемся і пакуль аднавілі адзін чаравік, – расказвае майстар Мікалай Тарасаў. – Для нас галоўнае атрымаць добры знешні выгляд, а ў футбол у іх ужо ўсё роўна ніхто не будзе гуляць. Для будучай экспазіцыі буцы трэба зрабіць жывымі, каб яны былі мяккімі і каб скура гуляла».

У буцах, над якімі цяпер працуе майстар, маглі гуляць гродзенскія футбалісты ў 1920-40-хх гадах. Яшчэ адзін наш чытач Віталь Хвайніцкі перадаў у будучы музей не менш каштоўную знаходку – футбольны мяч таго ж перыяду. Ён таксама будзе часткова аднаўляцца.


Читатель нашел футбольный мяч, которым могли играть в межвоенном Гродно

«Задача - зрабіць жывымі». Гродзенскі майстар аднаўляе 90-гадовыя буцы для музея футбола
Футбольны мяч і пальчатка, якія знайшоў чытач Віталь у хляве на вуліцы Падольнай

Што патрэбна для музея футбола?

У 2018 годзе футбольны “Нёман” абвясціў пра збор інфармацыі і экспанатаў для калекцыі будучага музея футбола ў Гродне. Яго хочуць зрабіць найлепшым у Беларусі. У клуб прынеслі ўжо шмат цікавых экспанатаў: футбольны абутак розных часоў, мячы, кубкі, майкі, вымпелы, афішы і многае іншае. Цяпер над экспанатамі і інфармацыяй працуюць спецыялісты.

Усё яшчэ працягваецца збор экспанатаў для музея. Калі раптам у вас ёсць якія-небудзь рэчы, звязаныя з футболам Гродзеншчыны, вы можаце звяртацца ў футбольны клуб “Нёман” або ў дзіцячую школу, якая знаходзіцца ў футбольным манежы.

Даведка

Футбол у Гродне пачаў развівацца пасля Першай сусветнай вайны. У 1920-х гадах у Гродне было ўжо некалькі сур’ёзных футбольных каманд, сярод іх “WKS Grodno” (каманда 76-га пяхотнага палка імя Людвіка Нарбута), “Cresovia” (гарадская каманда), “Maccabi” (яўрэйская каманда) і іншыя. Гэтыя каманды змагаліся за высокія месцы ў чэмпіянаце Беластоцкай акругі да 1939 года. З пачаткам Другой сусветнай вайны яны перасталі існаваць. Галоўным відам спорту пасля вайны ў Гродне, акрамя агульнадаступнай лёгкай атлетыкі, быў футбол. На месца польскіх і яўрэйскіх каманд прыйшлі савецкія “Лакаматыў” і “Дынама”. У сярэдзіне 1950-х з’явіўся “Нёман”, які існуе і сёння.

«Задача - зрабіць жывымі». Гродзенскі майстар аднаўляе 90-гадовыя буцы для музея футбола

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Перадрук матэрыялаў Hrodna.life магчымы толькі з пісьмовага дазволу рэдакцыі. Звяртайцеся info@hrodna.life

Spelling error report

The following text will be sent to our editors: