Іншыя падзеі
Гродна - беларуская сталіца кавы. 5 аргументаў "за" ад экспертаў

Фестываль кавы PRO COFFEE

З 11 па 29 верасня ў Беларусі пройдзе кававы фестываль PRO COFFEE. У ім будуць удзельнічаць 90 устаноў у шасці гарадах. У Гродне 15 устаноў-удзельнікаў прадставяць свае аўтарскія сэты. ⠀

Любы сэт – кава і дэсерт – будзе каштаваць 5,5 руб. Сэты ўдзельнікі распрацоўваюць спецыяльна для фестывалю.

У рэстабары “Гранат” распавялі, што ўдзельнічалі і ў гастрафестывалі, а цяпер заявіліся на кававы фестываль не толькі для рэкламы: “Гэта цікава, спартыўна, можна паглядзець, у якой установе найлепшы сэт. Наш вельмі смачны, калі ён спадабаецца гасцям, уключым у меню”. Там рэкамендуюць браніраваць месцы загадзя, за дзень-два: колькасць сэтаў тут не абмежавана, але вось сталоў на ўсіх жадаючых можа не хапіць.

На фестывалі будзе дзейнічаць гульнявая механіка: у кожнай установы будзе свой шмап для індывідуальнай адзнакі пра наведванне. Картку для збору пячатак можна атрымаць у любой установе-ўдзельніку. У фестываля 17 партнёраў, з іх 13 дораць падарункі наведвальнікам устаноў, якія пройдуць 1, 4, 7 і 15 устаноў.

Наведаўшы першую ўстанову, удзельнікі атрымліваюць сертыфікат ад кампаніі “Царскае золата” на 30 рублёў, зніжку на тэхніку Delonghi, зніжку ў крамах Conte. Тыя ўдзельнікі, якія наведаюць чатыры ўстановы, атрымаюць шкарпэткі ад Conte, тыя, хто наведае 7 устаноў, паўдзельнічаюць у адным розыгрышы: аўтарскія пано ад кампаніі Gloris, набор сіропаў DaVinci, набор гарбаты Basilur, наборы падарункаў ад кампаніі “Прастаквашына”, электрычныя помпы для вады ад кампаніі “Протера”, кава ад Barista Art. Тыя, хто наведае 15 устаноў, атрымаюць карткі Gold ад Тэхнабанка з бясплатным абслугоўваннем на год і могуць удзельнічаць як у адным, так і ў другім розыгрышы: кавамашын Delonghi і Lavazza blue, сертыфікатаў ад кампаніі “Царскае золата” на 100 рублёў, гадавы запас гарбаты DALAI і гадавы запас кавы Barista Art, набор сыроў Bonfesto. Такіх набораў на адзін і другі розыгрыш – 6 камплектаў, на кожны горад. І галоўны прыз, які абяцае арганізатар, кампанія «Кава Сэрвіс», – паездка ў Італію.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Дадаць навіну

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Spelling error report

The following text will be sent to our editors: