У сярэдзіне лістапада ў Гродне стартуе восьмы Gastrofest. Гастранамічны фестываль пройдзе з 14 лістапада па 1 снежня, а цана сэтаў будзе вар'іравацца ад 43 да 50 рублёў. Афіша ўжо з’явілася ў Instagram-акаўнце фестывалю.
Пакуль арганізатары трымаюць у таямніцы назвы ўстаноў, якія прымуць удзел у фестывалі. Але ўжо вядома, што сярэдні чэк складзе 43 рублі. Кошт сэтаў у параўнанні з вясновым гастрафэстам вырас. Тады сэты ва ўстановах Гродна каштавалі 38 руб.
Каб усе жадаючыя змаглі пратэставаць установы, на сайце Gastrofest можна будзе забраніраваць столік, адзначаюць арганізатары.
Згодна з афішай фестывалю, ісці ў рэстаран не абавязкова — стравы будуць дастаўляць і дамоў з дапамогай сэрвісу Delivio.
