Жылы домік будучага гасцінічнага комплексу ў Пышках. Фота: NewGrodna.by
На тэрыторыі былога водазабора ў Пышках з’явіліся модульныя канструкцыі паўкруглай формы. Гэта — часткі будучага гатэля. Пазней тут з’явіцца рэстаран і гасцініца. Увесь комплекс будзе выкананы ў касмічнай стылістыцы.
Агулам на тэрыторыі былога водазабора ў Пышках усталююць 5−6 паўкруглых канструкцый — гэтыя модулі стануць паўнавартаснымі жылымі домікамі, разлічанымі на 2−4 гасцей. З кожнага доміка будзе адкрывацца від на Нёман.
Будынак водазабора таксама рэканструююць і зробяць у ім гатэль на 15−20 нумароў. Таксама там з’явіцца спа-зона і спартыўная зала, а пазней і панарамны рэстаран.
Комплекс разлічаны на сямейны адпачынак. «Месца выдатна пасуе для таго, каб адпачыць ад гарадской мітусні, шуму, перазагрузіцца. Прычым для гэтага не трэба ехаць некуды далёка. Да нас можна дайсці нават пешшу па Сцежцы здароўя», — распавёў забудоўшчык NewGrodno.by.
Комплекс будзе выкананы ў касмічнай стылістыцы: жылыя домікі пабудуюць у выглядзе планет, з’явіцца паўсфера і на даху гатэля.
Будынак былога водазабора ў Пышках выставілі на аўкцыён у чэрвені 2023 года. Пабудовы можна было рэканструяваць пад лячэбна-аздараўляльны, курортна-рэкрэацыйны або турыстычны аб’ект.
Тады стартавая сума лоту склала 283 409,88 руб. ($ 95 тыс.).
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…