Цэнтральны пляж на Нёмане. Ілюстрацыйнае фота, архіў Hrodna.life
Трое дзяўчат у Гродне шпіталізавалі ў бальніцу хуткай дапамогі з сонечнымі апёкамі пасля няўдалага загару. Дзве з іх атрымалі апёкі 1−2-й ступені на пляжы, трэцяя — апёк 2-й ступені ў паходзе. Сонечныя апёкі ствараюць перадумовы для развіцця меланомы, расказаў урач Гродзенскай бальніцы хуткай медыцынскай дапамогі.
Адна з пацярпелых хадзіла ў паход з пятніцы па нядзелю, была ў ценю, тым не менш атрымала сонечныя апёкі твару, шыі і зоны дэкальтэ другой ступені. З’явіліся бурбалкі і лушчэнні, якія запатрабавалі інфузійнай тэрапіі і дэсенсібілізацыі, расказаў урач-хірург Гродзенскай бальніцы хуткай медыцынскай дапамогі Андрэй Аслаўскі. Дзяўчына правяла ў шпіталі тыдзень.
Яшчэ дзве пацярпелыя заснулі на пляжы на Нёмане. Ім дыягнаставалі апёкі 1−2 ступені з паразай скуры спіны, грудзей, жывата.
Чытайце таксама: Як ратавацца ад спёкі: карысныя парады для сонечнага надвор’я
Сонечныя апёкі, як і іншыя, правакуюць змены фармату скуры, на цэлы год мяняюцца яе марфалагічныя структуры, расказаў урач. На працягу гэтага года з’яўляецца высокая рызыка развіцця захворванняў скуры, у 3−4 разы павялічваецца рызыка развіцця анкалагічных захворванняў.
Праз спёку гродзенцы выклікаюць хуткую дапамогу з прыпынкаў, з крамаў, з пляжаў, расказалі напярэдадні на канале «Беларусь 4». Людзі страчваюць прытомнасць, паскараецца пульс, некаторым ставяць дыягназ «цеплавы ўдар». Часцей за ўсё звяртаюцца людзі сталага веку, з хранічнымі захворваннямі і людзі, якія прытрымліваюцца строгіх дыет ці недастаткова паелі. Першыя прыкметы нядужання — галавакружэнне, пачашчэнне сэрцабіцця, дыхавіца, цяжар за грудзінай, радзей могуць быць курчы. Пасля — страта прытомнасці.
У людзей з хранічнымі захворваннямі могуць здарацца інфаркты, інсульты, пры падзенні ад страты прытомнасці могуць быць траўмы галавы. За апошнія дні хуткая зафіксавала 10 выпадкаў страты прытомнасці і цеплавых удараў.
Пры цеплавым удары чалавека неабходна змясціць у прахалоднае месца, у цень. Калі ён у прытомнасці - даць папіць прахалоднай, але не ледзяной вады. Трэба намачыць любую тканіну прахалоднай вадой і пакласці на галаву або на ўчасткі цела, дзе сасуды падыходзяць бліжэй за ўсё да паверхні скуры: локцевыя згіны, шыя, пахвінная вобласць.
Чытайце таксама: Легкае адзенне, чыстая вада і карысная ежа. Як дапамагчы дзіцяці перанесці спёку
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…
Калі вы хацелі жыць у кватэры з уласнай фрэскай, ды яшчэ і блізка да прыроды,…