Арганізатары штогадовага забега па цэнтральных вуліцах горада «Гарадзенская вандроўка» прадставілі дызайн медаля фінішара на 2024 год. На ім выявілі караля Стэфана Баторыя.
Медаль фінішара — гэта ўзнагарода, якую атрымлівае кожны, хто прабег заяўленую дыстанцыю.
«На гэты раз на адваротным баку намаляваны вялікі воін і кіраўнік — Стэфан Баторый. Магутная постаць караля і рашучы погляд — сімвалізуюць сілу, цягавітаць і рашучасць дасягаць пастаўленых мэт», — патлумачылі арганізатары на старонцы забегу ў Instagram.
Пад пастом з выявай медаля падпісанты пакідаюць станоўчыя каментары: «Вельмі прыгожы медаль. Сапраўды стараецеся над дызайнам» — «Каралеўскі горад піярыць свайго караля!» — «Якая ж файная».
У 2024 годзе забег адбудзецца 16 чэрвеня на дыстанцыі пяць і 10 кіламетраў. Таксама будзе дзіцячы забег. Жадаючыя прыняць удзел ужо могуць зарэгістравацца. Станам на 23 лютага на «вандроўку» зарэгістраваліся 400 чалавек, сярод іх жыхары Беларусі, Расіі і Латвіі.
Летась на «Гарадзенскую вандроўку» зарэгістравалася каля 500 чалавек. Забег па гістарычным цэнтры Гродна і ваколіцах праходзіць з 2017 года.
Чытайце таксама: У Гродне паўраспранутыя людзі бегалі па снезе ўздоўж Нёмана: глядзіце, як прайшоў «ЗакалФэст»
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…
Суды разгледзелі і задаволілі ў 2024 годзе 140 заяў ад пракуратуры Гродзенскай вобласці аб прызнанні…
Пра арышт кватэры блогер і экс-палітвязень Вадзім Ермашук даведаўся з паведамлення Следчага камітэта. Ён размясціў…
У Гродзенскай універсітэцкай клініцы правялі майстар-клас для медыкаў, часткай якога стала аперацыя па памяншэнні страўніка…