Навіны

Дзейнасць — студэнтка: Бондарава ідзе ў дэпутаты

Праўладная і прарасейская актывістка Вольга Бондарава з Гродна вырашыла заняцца палітычнай кар’ерай. Яна балатуецца на выбары ў дэпутаты гарадской рады ад Камуністычнай партыі. Праўда, не ў Гродне, а ў Менску.

Вольга Бондарава балатуецца па Шугаеўскай выбарчай акрузе № 57 у мікрараёне Уручча. У дэпутаты гарадской рады яна вылучаецца ад Камуністычнай партыі Беларусі як яе сябра, без збору подпісаў. У графе пра дзейнасць яна фігуруе як студэнтка педуніверсітэта.

Скрыншот спісу апублікаваў праўладны прапагандыст і былы палітэмігрант Ілля Бягун. Ён не падтрымлівае дзейнасць Бондаравай і побач са скрыншотам змясціў фота героя аповесці Міхаіла Булгакава «Сабакава сэрца» Шарыкава.

Вольга Бондарава — праўладная актывістка з Гродна, раней судзімая за кантрабанду цыгарэт у Польшчу. Называе сябе «інфаспецназаўкай». Актыўна змагаецца з усімі, хто выступаў супраць рэжыму, а таксама з кнігамі, мастакамі, гістарычнымі асобамі, лацінкай, помнікамі і нават монстрамі. З верасня 2022 — студэнтка педуніверсітэта па спецыяльнасці «Беларуская мова і літаратура». Некаторыя яе захады асудзілі нават дэпутат Ігар Марзалюк і намесніца кіраўніка гродзенскага абласнога аддзялення партыі «Белая Русь» Святлана Вараніца.Варяница.

Альтэрнатыва для выбаршчыкаў у гэтай акрузе — беспартыйны ідэолаг воінскай часці 3214 (спецназ МУС) Міхаіл Адамчык і намеснік дырэктара гімназіі № 38 па выхаваўчай працы Святлана Пазняк з нядаўна зарэгістраванай партыі «Белая Русь». Абодва яны вылучаюцца на аснове збору подпісаў і ад сваіх працоўных калектываў.

Адзіны дзень галасавання для выбараў у мясцовыя саветы дэпутатаў і ў Палату прадстаўнікоў прызначаны на 25 лютага.

Чытайце таксама:

Падзяліцца
Меткі: палітыка

Апошнія запісы

У Гродне пройдзе штогадовы гарадскі выпускны — будзе больш за 2,6 тыс. удзельнікаў

Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…

13 мая 2025

Mrs Globe з Гродна Лана Глумакова напісала кнігу пра «жаночы магнетызм»

Заснавальніца рэкламнага агенцтва "На ўра" і ўдзельніца конкурсаў прыгажосці Лана Глумакова выпускае кнігу "Жаночы Магнетызм…

13 мая 2025

Квізы, дэгустацыі і касцюміраваныя экскурсіі. Куды пайсці на Ноч музеяў 2025 у Гродне і вобласці

Ноч музеяў пройдзе ў Беларусі 17 траўня. У Гродне абяцаюць квізы і касцюміраваныя экскурсіі. У…

13 мая 2025

На Юбілейным возеры ў Гродне з’явіцца «Князь Гедымін»

Для мадэрнізацыі пляжу на Юбілейным возеры купяць абсталяванне. Там з'явяцца гульнявы комплекс "Князь Гедымін" з…

13 мая 2025

Банкруціцца гродзенская IT-кампанія, якая супрацоўнічала з фірмамі з Канады і ЗША

Гродзенская IT-кампанія "Цэнтр Прагрэсіўных Распрацовак" падала заяву аб банкруцтве. Доўг фірмы - амаль 302 тыс.…

12 мая 2025

Гатовы бізнэс: на «Куфар» прадаюць бота для запісу на польскую візу

На пляцоўцы «Куфар» з'явіліся аб'явы аб продажы гатовых ботаў, якія дапамагаюць адшукаць і заняць вольныя…

12 мая 2025