Беларуса затрымалі ў пункце пропуску “Каменны лог”. Яго судзілі 2 лістапада за распаўсюд экстрэмісцкіх матэрыялаў у судзе Ашмянскага раёна. Па арт. 19.11 КаАП яму прызначылі штраф. Пастанова па справе аб адміністрацыйным правапарушэнні з’явілася ў банку судовых рашэнняў.
Верагодна, затрыманы – жыхар Мінска. Раней ён не прыцягваўся да адміністрацыйнай адказнасці. Ён прызнаў віну паводле арт.19.11 КаАП.
Мяркуючы па матэрыялах справы, мужчына знаходзіўся ў пункце пропуску “Каменны лог” Ашмянскага раёна. У яго тэлефоне знайшлі Instagram з падпіскай на Zerkalo.io. У выніку мужчыну аштрафавалі на 25 базавых велічынь (925 рублёў) без канфіскацыі мабільнага тэлефона.
Пры пакаранні ўлічылі “абставіны і значную ступень грамадскай шкоднасці здзейсненага правапарушэння”.
Чытайце таксама:
