Навіны

Гродзенец сабраў бібліятэку з чатырох тысяч гістарычных кніг

У гродзенца Юрыя Гарадзілава аказалася самая вялікая бібліятэка гістарычных кніг з заяўленых на конкурс ад Oz.by. Штомесяц з пенсіі ён выдаткоўвае на кнігі 300−400 рублёў.

Сваю першую кнігу Юры набыў яшчэ ў 15 гадоў. Ён любіць даследаванні аб Першай і Другой сусветных войнах, мемуары. Па іх не вывучыш гісторыю, прызнае ён — кожны аўтар прыўносіў нешта сваё, але для разумення кантэксту такія кнігі пасуюць, піша s13.ru

Колькасць кніг у бібліятэцы Юрыя хутка расце. Мужчына не вядзе каталог, але штампуе ў выданнях кніжныя знакі, якія сведчаць аб уладальніку. Экслібрысы стаяць на пярэднім і заднім форзацах усіх яго кніжак. Яшчэ адзін, з нечым накшталт сямейнага герба, ён ставіць на кнігі, якія камусьці дорыць.

Экслібрыс уладальніка бібліятэкі. Фота: oz.by

Праз новыя кнігі месца ў кватэры ўсё менш. На некаторых паліцах яны стаяць у тры-чатыры шэрагі. «Па кватэры хаджу бачком», — смяецца гаспадар бібліятэкі.

Юры ўвайшоў у лік пяці прызёраў, якія атрымалі ад арганізатараў конкурсу па 100 рублёў.

У конкурсе ўдзельнічала больш за 500 кнігалюбаў

Конкурс прыватных бібліятэк сярод беларусаў праводзіла кампанія Oz.by да свайго 24-годдзя. Удзел узялі больш за паўтысячы чалавек. Пераможца атрымаў у падарунак 1999 рублёў.

Паводле ўмоваў конкурсу, уладальнікі бібліятэк самі пазначалі колькасць кніг, але для дакладнасці іх усё ж пералічвалі. Газеты і часопісы не ўлічваліся. Некаторыя бібліятэкі вылучылі за крэатыўны падыход і неардынарныя зборы. Больш за ўсё — 8708 кніг — знайшлося ў Вольгі Кляцко з аграгарадка Калодзішчы пад Мінскам.

Чытайце таксама: Ад цукерачных фанцікаў да аскепкаў Пампеі. На Жывой бібліятэцы распавялі, што калекцыянуюць гродзенцы

Падзяліцца

Апошнія запісы

Па паўкіло бульбы і хлеба. Міліцыя Гродна шукае пастаўшчыка абедаў у ІЧУ

Міліцыя Гродна шукае пастаўшчыка абедаў у ізалятар часовага ўтрымання Кастрычніцкага РУУС. З 2011 года ежу…

22 студзеня 2025

Гродзенец, якога хацелі дэпартаваць з Польшчы з-за сакрэтнага рашэння спецслужбаў, атрымаў польскае грамадзянства

Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…

22 студзеня 2025

Таргетная і імунатэрапія: якія інавацыйныя метады лячэння рака ўжываюць у Гродзенскай вобласці

Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…

22 студзеня 2025

Уладальнік гродзенскага стрып-клуба выпусціў кліп на песню пра саюз Беларусі і Расіі

Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…

22 студзеня 2025

«Лідскае піва» адмовілася ад пінт — усё з-за санкцый

"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…

22 студзеня 2025

Гродзенскі рок-гурт 8sonca рыхтуе да выхаду трэці альбом

Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…

22 студзеня 2025