Навіны

«Уся сям’я сабралася ў бомбасховішчы». Блогерка Аляксандра Ханевіч расказала, як сустрэла вайну ў Ізраілі

Блогерка з Гродна Аляксандра Ханевіч была ў адпачынку ў Ізраілі акурат тады, калі рух ХАМАС пачаў баявыя дзеянні. Яна зняла відэа, у якім расказала пра хованкі ў бомбасховішчы.

У пачатку баявых дзеянняў Аляксандра апынулася ў горадзе Мадыін. Туды яна прыехала да сваіх сяброў 6 кастрычніка. З раніцы 7 кастрычніка былі дзве паветраныя трывогі. Першая дзесці ў 6 раніцы — тады ўся сям’я сабралася ў бомбасховішчы [у Ізраілі бомбасховішча ёсць у кожнай кватэры і выглядае як асобны пакой — Hrodna.life]. «Па законе мы павінны знаходзіцца ўсе ў гэтым пакоі», — сказала Аляксандра.

Аляксандра Ханевіч паказвае бомбасховішча, дзе яна хавалася. Крыніца: Старонка Аляксандры ў Facebook.

Што адбылося ў Ізраілі

Раніцай 7 кастрычніка рух ХАМАС (Ісламскі рух супраціўлення) аб’явіў аб пачатку вайсковай аперацыі супраць Ізраіля. Па тэрыторыі Ізраіля выпусцілі больш за пяць тысяч ракет. «Гэта дзень велізарнай бітвы за спыненне апошняй акупацыі на зямлі», — сказаў лідар вайсковага крыла ХАМАС Махаммад Дэйф.

У Ізраілі аб’явілі стан надзвычайнай сітуацыі. Прэс-сакратар войска абароны Ізраіля Даніэль Агарі сказаў, што «ў бліжэйшыя гадзіны мы абрушым усю моц ЦАХАЛа [сілы абароны Ізраіля — Hrodna.life] на Газу».

Нацыянальная медычная служба Ізраіля паведаміла пра 22 загінулых у выніку атакі з боку ХАМАСа. У шпіталі Ізраіля даставілі больш за 500 чалавек з раненнямі.

Чытайце таксама: «Ёсць 30 секунд, каб схавацца». Гродзенка пераехала ў Ізраіль — і адразу трапіла ў гарачую кропку

Хто такая Аляксандра Ханевіч

Аляксандра Ханевіч — палітуцякачка з Гродна. Працавала на заводзе «Хімвалакно» ўсё жыццё, была старшынёй ветэранскай арганізацыі.

Пасля выбараў 2020 года яе затрымлівалі двойчы. Пасля другога затрымання ёй давялося здымаць пабоі. Баючыся чарговага арышту, Ханевіч з’ехала ў Польшчу разам з сынам, якога таксама затрымлівалі.

У эміграцыі Аляксандра завяла свой YouTube канал. Там яна расказвае, як гэта — пачынаць новае жыццё за мяжой.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025