Навіны

Каранік распавёў, калі ў Гродне адкрыюць новую школу, паліклініку і Азёрскую шашу

У 2023 годзе ў Гродзенскай вобласці павялічаць фінансаванне рэканструкцыі аб’ектаў аховы здароўя, адкрыюць школы, паліклініку, а таксама развязку каля Азёрскай шашы. Пра гэта 10 жніўня 2023 года паведаміў старшыня Гродзенскага аблвыканкама Уладзімір Каранік.

Будаўніцтва школы ў Грандзічах. Крыніца: newgrodno.by

Школы і паліклініка

Сярэднюю школу № 42 адкрыюць 1 верасня ў гродзенскім мікрараёне Грандзічы. Яе планавалі адкрыць у жніўні 2022 года, але ў траўні 2022 года паведамілі, што будаўніцтва школы скончаць 31 снежня 2022 года. У канцы снежня 2022 года старшыня Гродзенскага гарвыканкама Мечыслаў Гой паабяцаў адкрыць школу ў верасні 2023 года. Прычынай затрымак будаўніцтва называлі недахоп сродкаў.

Таксама пасля рэканструкцыі плануюць адкрыць школу ў вёсцы Першаймайск у Лідскім раёне.

У мікрараёне Альшанка ў кастрычніку-лістападзе 2023 года плануюць адкрыць новую паліклініку. Будоўлю паліклінікі пачалі ў лютым 2020. Па планах на яе было адведзена 38 месяцаў. Агульны кошт паліклінікі ацэньвалі ў 28 млн рублёў, на падрадныя работы было адведзена 20,7 млн. Паліклініку абяцалі здаць у 2022 годзе. Яе не паспелі дабудаваць і перанеслі тэрміны на 2023.

Чытайце таксама: 18 першых класаў створаць у новай школе ў Грандзічах

Калі адкрыюць развязку на Азёрскай шашы

Аўтамабільную развязку на Азёрскай шашы плануюць адкрыць у кастрычніку — пачатку лістапада 2023 года. У перспектыве новая кальцавая магістраль выйдзе на жылы мікрараён Грандзічы, а адтуль — на аўтадарогу Гродна-Друскенікі міма КБМ. Усе 40 кіламетраў новай дарогі будуць цалкам асветлены. Па ёй пракладуць тралейбусныя лініі.

Чытайце таксама: Аднаўленне Фары Вітаўта — «блюзнерства», а лёс гасцініцы «Гродна» вырашаць у Кітаі. Што Уладзімір Каранік сказаў падчас прамога эфіру

Падзяліцца

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025