Ігар Банцэр. Скрыншот з інтэрв'ю праекту "Мы вернемся"
Ігар Банцэр выклаў у Facebook фота, дзе адзначыў геалакацыю ў псіхіятрычным шпіталі Варшавы. «Нарэшце я знаходжуся ў месцы, дзе атрымаю 100% прафесійную дапамогу і клопат», — падпісаў ён здымак.
Таксама музыка адзначыў, што яму дадуць веганскае харчаванне.
«Гэта было не маё рашэнне: копы ў цэнтры горада, нападаюць, апранаюць кайданкі <…> Кайданкі, два паліцыянты ў машыне хуткай дапамогі», — напісаў ён у каментарах. < > Копы змясцілі мяне ў псіхіятрычную лякарню праз «небяспечныя паводзіны пад уздзеяннем наркотыкаў».
Адзін з яго прыяцеляў распавёў пра прычыну змяшчэння ў бальніцу.
«Банцэр быў у офісе для людзей з інваліднасцю, каб дапамагчы аднаму са сваіх сяброў (палітычнаму ўцекачу з Беларусі) вырашыць некаторыя дзелавыя пытанні. Але з-за гучнага голасу Банцэра, злоснага погляду, татуіровак (і нават з-за таго, што яго пазногці выфарбаваныя ў чорны колер!!!) была выкліканая паліцыя. Банцэра абвінавацілі ў агрэсіўных, вульгарных і небяспечных паводзінах. У паліцэйскіх актах напісана, што ён кідаў крэслы ўнутры офіса», — патлумачыў карыстальнік.
З ягоных слоў, паліцыя жорстка арыштавала Ігара, надзела на яго кайданкі і адвезла ў псіхіятрычную лякарню праз ягоныя «зменлівыя паводзіны пад уздзеяннем наркотыкаў». У псіхіятрычным шпіталі лекары, па словах прыяцеля, пагражалі Банцэру «як жывёле» з-за яго знешнасці і ўсходнееўрапейскага акцэнту.
Пасля выпіскі Банцэра з псіхіятрычнай бальніцы праз 7−10 дзён ён збіраецца звярнуцца па гэтым пытанні ў суд. «І гэта будзе адна з найбуйнейшых спраў у найноўшай гісторыі Польшчы», — мяркуе ён.
Ігар Банцэр — палітвязень і музыка, вакаліст Mister X. У верасні 2020 года Ігар станцаваў без штаноў перад міліцэйскай машынай. За гэта яго асудзілі на 1,5 года «хіміі». У СІЗА ён 16 дзён трымаў «сухую» галадоўку. 17 снежня 2021 года выйшаў на волю. У жніўні 2022 — адседзеў 45 сутак па адміністрацыйным артыкуле, пасля чаго з’ехаў з Беларусі.
Чытайце таксама: Гродзенская турма раднейшая: «Апошні рок-н-рольшчык Беларусі» Ігар Банцар — пра Варшаву, вяртанне дадому і адбітак безвыходнасці
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…