Пра гэта 9 ліпеня паведаміў на асабістай старонцы ў Facebook адзін з калегаў і сяброў Матвеева, Мікалай Куляшэвіч. Як стала вядома Hrodna.life, Павел памёр у рэанімацыі ад вострай пнеўманіі. Лекары не здолелі яго ўратаваць. У гэтым месяцы, 23 ліпеня, яму мелася б споўніцца 50 гадоў.
Павел Матвееў быў добра вядомым у Гродне як адзін з арганізатараў мотаклуба «Насарогі», фэста «Хавайся ў бульбу», шматлікіх дабрачынных акцый на карысць дзяцей з дзіцячых дамоў. Таксама Павел быў сярод тых, хто падтрымліваў і дапамагаў развіваць жаночы мотарух ў Гродне і ў Беларусі. Яго заўжды бачылі на прабегах, прысвечаных адкрыццю і закрыццю мотасезонаў (акрамя апошніх двух гадоў), а таксама на шматлікіх гарадскіх імпрэзах.
Чытайце таксама:
- Носороги «ў бульбу не хаваюцца». Гродненский байкер о клубной жизни и историю местного байк-движения
- Мототакси в Гродно 5 лет! А в планах у байкеров есть даже мотоэкскурсии
«Як жа так! Такі чалавек быў харошы, заўжды вясёлы і шмат жартаваў. Вельмі шкада, мае спачуванні родным і блізкім».
«Паша, Паша, цябе так будзе не хапаць (((«- пішуць знаёмыя і сябры Матвеева ў каментарах.
Рэдакцыя Hrodna.life таксама далучаецца да спачуванняў родным і блізкім Паўла Матвеева.
Чытайце таксама:
