Навіны

«У грузавіках можа быць што заўгодна». Прэзідэнт Беластока патрабуе закрыць мяжу і спыніць гандаль з Беларуссю

Прэзідэнт Беластока Тадэвуш Трускаляскі і кіраўнікі іншых польскіх гарадоў звярнуліся да ўраду з патрабаваннем спыніць гандаль і памежны рух з Беларуссю і Расіяй. Пра гэта яны заявілі 6 красавіка на прэс-канферэнцыі, што прайшла ля трасы з Беластоку ў пункт пропуску «Баброўнікі».

Прэзідэнт Беластока Тадэвуш Трускаляскі. Крыніца: Urznąd Miejski w Białymstoku Foto: Dawid Gromadzki

Гэта пазіцыя Руху самакіравання «Tak! Dla Polski» — самай буйной асацыяцыі мясцовага самакіравання ў Польшчы, паведаміў «Portal Samorządowy».

«У гэтых грузавіках [якія стаяць у чарзе на ўезд у Беларусь — Hrodna.life] можа быць што заўгодна: ежа, абсталяванне, запчасткі да розных аўтамабіляў, якія насамрэч сілкуюць значную частку ваеннай машыны Пуціна. З забойцамі і хлусамі не варта весці справы», — сказаў Трускаляскі. «Беларусь таксама падтрымлівае рэжым Пуціна», — дадаў ён.

У прэс-канферэнцыі прыняў удзел таксама прэзідэнт Сопату Яцак Карноўскі, кіраўнік рады Руху самакіравання «Tak! Dla Polski». Раней ён быў частым госцем у Гродне, актыўна падтрымліваў непрызнаны ўладамі Саюз палякаў Беларусі. У час канферэнцыі ён уздымаў пытанне адмовы Польшчы ад экспарту расійскай нафты і вуглю.

Чарга грузавікоў з польскага боку мяжы расцягнулася на 80 гадзін

Польскія мытнікі з пачатку красавіка пачалі больш уважліва даглядаць грузавікі, якія едуць у Беларусь. Мэта — не дапусціць правозу тавараў, якія Расія можа скарыстаць для вядзення вайны.

«Усе нашыя памежныя службы, якія адказваюць за афармленне, мытня і памежная служба вельмі пільна правяраюць кожную машыну. Мы павінны быць упэўненыя, што яны не перавозяць тавары двайнога прызначэння» — сказаў агенцтву PAP намеснік міністра ўнутраных спраў Польшчы Мацей Вонсік.

Брузгі дасюль не адкрылі

Зараз у Гродзенскай вобласці працуе толькі адзін пункт пропуску на мяжы з Польшчай — «Бераставіца — Баброўнікі».

З 9 лістапада польскія памежнікі прыпынілі афармленне транспарта ў Кузніцы. Гэта было звязана з мігрантамі, якія спрабавалі прарвацца праз беларуска-польскую мяжу. Раней паведамлялі, што пункт пропуску могуць адкрыць, калі мігранты пакінуць лагер ля Брузгоў і калі будзе скончаны плот на мяжы. Першае ўжо здарылася, а плот акурат у працэсе будовы.

Чытайце таксама: Самы першы горад-пабрацім разарваў адносіны з Гроднам

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025