Ірына Новік (злева). Фота: Аляксандр Пасечнік
Да журналісткі і рэдактаркі спецпраектаў Hrodna.life Ірыны Новік каля 21.30 26 сакавіка з ператрусам прыйшлі сілавікі. Яна праходзіць сведкай па справе аб рэабілітацыі нацызму (ч. 3 арт. 130 КК).
Пра ператрус калегам паспела паведаміць сама журналістка. Па стане на 00.00 27 сакавіка ператрус усё яшчэ адбываўся.
Ператрус ішоў чатыры гадзіны і скончыўся каля 00.30. Следчы і два аператыўных супрацоўніка канфіскавалі ноўтбук і тэлефон. Ірына на волі, яна дала падпіску аб неразгалошванні.
Іншыя супрацоўнікі Hrodna.life на волі, да іх сілавікі не прыходзілі.
На Паўла Мажэйку, кіраўніка пляцоўкі «Цэнтр гарадскога жыцця», мастака Алеся Пушкіна і «іншых асоб» 26 сакавіка завялі крымінальную справу паводле ч. 3 арт. 130 КК за дзеянні, накіраваныя на рэабілітацыю і апраўданне нацызму.
Прычына — дэманстрацыя 19 сакавіка на выставе карцін партрэта Яўгена Жыхара з аўтаматам на плячы, паведаміла пракуратура.
Павел Мажэйка ўвечары 26 сакавіка паехаў у Следчы камітэт даваць паказанні. На 23.40 аб заканчэнні і выніках допыту няма інфармацыі. Мастак Алесь Пушкін знаходзіўся на выставе ў Кіеве. Ён вылецеў з Кіева вячэрнім рэйсам. Пасля 21.00 ён прайшоў памежны кантроль у менскім аэрапорце і перастаў выходзіць на сувязь, піша С**бода. Пазней стала вядома, што ён на волі і вяртаецца дадому ў вёску Бобр Крупскага раёна. Ён будзе знаходзіцца ў ізаляцыі па месцы прапіскі 10 дзён.
Чытайце таксама:
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…