МакДональдс у Гродне. Фота: Hrodna.life
У 2020 годзе МакДональдс у Беларусі запусціў шэраг змяненняў, якія дазволяць мінімізаваць уплыў на навакольнае асяроддзе. З запускам «МакФлуры Орео» змянілі ўпакоўку «МакФлуры», адмовіўшыся ад выкарыстання пластыкавай накрыўкі. Гэта дазволіла скараціць колькасць адходаў у выглядзе пластыкавай накрыўкі амаль на дзве з паловай тоны пластыка. Спажыванне яшчэ тоны пластыка скарацілі дзякуючы замене поліэтыленавай упакоўкі для цацак новых калекцый «Хэпі-Міл» на папяровую.
З дваццатых дзён снежня кампанія пачала тэставаць ініцыятыву, якая дазваляе наведвальнікам у зале сталічнага рэстарана МакДональдс на вул. Прытыцкага, 28 адмовіцца ад выкарыстання пластыкавай трубачкі да халоднага напою. У выпадку неабходнасці трубачку дадуць па просьбе наведвальніка. Трубачкі па змаўчанні выдаюць на МакДрайв, дастаўцы, да напояў для маленькіх дзяцей у «Хэпі-Міл» і ў замовах навынас.
У пілотным рэстаране наведвальнікі былі гатовыя адмовіцца ад трубачкі для паляпшэння экалогіі. Адмова ад пластыкавых трубачак толькі ў апошнюю дэкаду снежня і толькі ў адным рэстаране сеткі дазволіць МакДональдс скараціць выкарыстанне пластыка на 50 кілаграмаў да канца года. Са студзеня ў рэстаранах гасцям прапануюць папяровыя трубачкі, якія разам з заменай большай часткі пластыкавай упакоўкі на папяровыя або драўляныя аналагі дазволяць скараціць выкарыстанне пластыка ў рэстаранах больш чым на палову ад агульнай колькасці ўсёй упакоўкі.
У рамках напрамку стратэгіі «Упакоўка і перапрацоўка» уся ўпакоўка, якая выкарыстоўваецца для прадуктаў ва ўсіх рэстаранах па ўсім свеце, да 2025 года будзе вырабляцца з аднаўляльных, перапрацаваных і сертыфікаваных матэрыялаў. На канец 2020 года карпарацыя МакДональдс ужо прайшла 60% шляху ў гэтым кірунку.
МакДональдс у Беларусі 100% папяровай і кардоннай упакоўкі вырабляе з перапрацаванай і сертыфікаванай сыравіны без шкоды лясам. Пастаўшчыкі рыбы і морапрадуктаў выкарыстоўваюць метады рыбалоўства па стандартах MSC. Кава ў МакДональдс вырашчана з клопатам аб навакольным асяроддзі і пра людзей, якія працуюць на вытворчасці. Гэта пацвярджаюць міжнародныя сертыфікаты UTZ і Rain Forest Alliance, а таксама многія карпаратыўныя аўдыты, якія праходзіць кожны пастаўшчык, ухвалены карпарацыяй МакДональдс.
МакДональдс — найбуйнейшая сетка грамадскага харчавання ў свеце, якая налічвае больш за 38 000 рэстаранаў у 120 краінах па ўсім свеце.
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…