Бацька ўдарыў пяцімесячную дачку, каб супакоіць. Праз месяц яна памерла

У Гродзенскай вобласці ў бальніцы пасля збіцця бацькі памерла пяцімесячная дзяўчынка. Аб расследаванні крымінальнай справы ў эфіры праграмы «Причины и следствие» на «Радио Минск» распавяла афіцыйны прадстаўнік Следчага камітэта Юлія Ганчарова, паведамляе карэспандэнт агенцтва «Минск-Новости».

У бальніцу горада Свіслачы 17 студзеня 2020 г. у стане клінічнай смерці з траўмай левай ныркі была дастаўлена пяцімесячная дзяўчынка. Пасля аказання экстранай дапамогі дзіця перавялі ў гродзенскую бальніцу, дзе яно праз месяц памерла.

Следствам устаноўлена, што раніцай 17 студзеня 2020 г. бацька застаўся дома з дочкамі, бо яго сужыцелька пайшла на прыём да ўрача. Малодшая пяцімесячная дачка ляжала ў ложку і плакала. Мужчыну гэта раздражняла, і ён кулаком ударыў дзяўчынку ў бок. Як пасля ўстанавілі эксперты, «прычыніўшы тым самым цялесныя пашкоджанні, якія знаходзяцца ў прычыннай сувязі з яе смерцю».

Высветлілася, што абвінавачаны нават не прадпрымаў спроб дачкі аказаць медыцынскую дапамогу. Дзіця было шпіталізавана па ініцыятыве маці толькі пасля праявы прыкмет траўміравання і пагаршэння стану здароўя.

Следчыя дапыталі сведак, у тым ліку сваякоў загінулай дзяўчынкі і медыцынскіх работнікаў. Паводле высноў экспертаў, абвінавачаны якім-небудзь псіхічным растройствам не пакутаваў, мог усведамляць значэнне сваіх дзеянняў і кіраваць імі.

Мужчыне прад’яўленае абвінавачванне ў забойстве заведама малалетняй, асобы, якая знаходзіцца ў бездапаможным стане (ч. 2 арт. 139 КК). Сам абвінавачаны часткова прызнаў сваю віну і даў паказанні па абставінах злачынства. Крымінальная справа перададзена пракурору для накіравання ў суд.

У ходзе расследавання гора-бацька прыдумаў версію аб няшчасным выпадку. Нібыта, знаходзячыся дома з дзіцем і трымаючы дзяўчынку на руках, ён спатыкнуўся і ўпаў разам з ёй на парог, які падзяляе пакоі. Абвергнуць гэтую выдумку дапамагла экспертыза.

Бацькі дзяўчынкі ў афіцыйным шлюбе не знаходзіліся. Мужчыне 42 гады, ён афіцыйна працаваў і раней судзімы не быў. Жанчыне — 33, яна знаходзілася ў дэкрэце. Дзяўчынка нарадзілася ў жніўні 2019 г., была хваравітым дзіцем, знаходзілася на лячэнні ў бальніцы. Усе медыцынскія агляды, прыёмы ажыццяўляліся планава, не прапускаліся, таму заўваг з боку медыцынскіх работнікаў сям’я не выклікала.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025