Hrodna.life разам з гісторыкам Андрэем Чарнякевічам працягвае распавядаць пра цікавыя мясціны Гродна. Сённяшняя гісторыя — пра Гараднічанку ў межах горада.
Гараднічанка пачынаецца ля былой вёскі Забалаць і працякае праз гістарычны цэнтр Гродна. У раёне Швейцарскай даліны злучаецца з прытокам Юрысдыка. Упадае ў Нёман паміж Старым замкам і Каложскай царквой.
«Наш шпацыр сёння праходзіць там, дзе Гараднічанка пачынае цячы ў межах Гарадніцы, у межах гістарычнага цэнтра горада. Гэта кавалак Гародні XIX -пач. XX cтагодзя», — распавёў Андрэй Чарнякевіч.
