Лукашэнка пра «цукровую справу»: Я сам сказаў вярнуць самалёт і дастаць іх адтуль

З моманту затрымання дырэктараў цукровых заводаў прайшло 12 дзён і толькі сёння з’явіўся першы разгорнуты афіцыйны каментар па гэтай справе. Аляксандр Лукашэнка расказаў журналістам, што затрыманні праводзілі па яго асабістым загадзе.

«Такога ў Беларусі яшчэ не было, — цытуе belta.by Аляксандра Лукашэнка. — Што зрабілі гэтыя дзялкі - яны стварылі ў Маскве „пракладку“ — гандлёвы дом. Звычайная „пракладка“. Паставілі туды сваіх. З заводаў па дэмпінгавых цэнах прадавалі гандлёваму дому ў Маскве беларускі цукар. Тыя, павялічыўшы цану, прадавалі на рынку. Розніцу хабарамі раздавалі гэтым дырэктарам заводаў».

Прэзідэнт паабяцаў, што ў бліжэйшыя дні Камітэт дзяржбяспекі раскажа пра справу падрабязна.

Лукашэнка расказаў, які факт яго абурыў больш за ўсё: «Даўно на кантролі гэтае пытанне спецслужбы вялі. Мне далажылі, што за бясцэнак прадавалі гандлёваму дому гэты цукар, а частка па нейкай там павялічанай цане вярталася ў Беларусь. Можа быць, цукар нават не вывозілі ў Маскву і назад не завозілі. А дакументы ішлі туды, пераафармлялі, і тут проста з заводаў на наш рынак пастаўлялі гэты цукар з маржой. А потым гэтую маржу дзялілі на хабар. Гэта што, нармальна? "

Чытайце таксама: Тры з чатырох цукровых камбінатаў, на якіх нібыта затрымалі кіраўнікоў, працуюць са стратамі

«Там папаліся і з пагонамі людзі. Сказаў: усіх пад мятлу ў камеру. Усіх. Нават вось самалёт, нельга было раней затрымаць аднаго з дзеячаў. Вярнуць сказаў самалёт з Заходняй Еўропы, пасадзіць і выняць іх адтуль. Вярнулі самалёт, дасталі і адправілі ў следчы ізалятар. Жэстачайшае будзе стаўленне да гэтага», — паабяцаў прэзідэнт.


24 студзеня самалёт «Белавія» Мінск — Мюнхен вярнулі на падлёце да Уроцлава і пасадзілі ў Гродне. Па расказах пасажыраў, з борта знялі ад 6 да 8 чалавек. Пазней высветлілася, што сярод іх быў дырэктар Гарадзейскага цукровага камбіната Міхаіл Крыштаповіч. З працоўных месцаў зніклі дырэктара астатніх буйных цукровых камбінатаў Беларусі: Скідзельскага, Слуцкага і Жабінкаўскага, а таксама кіраўнік Беларускай цукровай кампаніі ў Маскве Дзмітрый Кірылаў. Афіцыйныя ведамствы інфармацыі па інцыдэнце не давалі.

Падзяліцца

Апошнія запісы

Глебу ў Гродне правераць на заражанасць баршчэўнікам

На Румлёўскім праспекце ў Гродне ўзвядуць транспартную развязку. Грунт у раёне абследуюць на заражанасць насеннем…

29 красавіка 2025

На Ласасянцы з’явяцца масткі і пляж. Там будзе парк адпачынку на Фолюшы

У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…

29 красавіка 2025

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025