Каля 500 навагодніх персанажаў і больш за дзясятак ўпрыгожаных машын і ровараў паўдзельнічалі ў парадзе 14 снежня. Нягледзячы на праліўны дождж, шэсце ў гэтым годзе сабрала рэкордную колькасць удзельнікаў.
Шэсце Дзядоў Марозаў і іншых святочных персанажаў прайшло ад Савецкай плошчы па вуліцы Савецкай да плошчы Леніна. Па словах арганізатараў, у гэтым годзе быў пастаўлены рэкорд колькасці ўдзельнікаў. Больш за ўсіх аказалася Снягурак.
https://www.instagram.com/p/B6DrYBfn2-n/
Парад Дзядоў Марозаў па вуліцах Гродна ўжо некалькі гадоў з’яўляецца адной з самых яркіх падзей снежня. Ва ўпраўленні спорту і турызму Гродзенскага аблвыканкама адзначылі, што ў гэтым годзе паглядзець на мерапрыемства прыехала шмат турыстаў. На ўікэнд з 13 па 15 снежня ў Гродна запланавалі паездку 2500 іншаземцаў. Гэта рэкорд па колькасці бязвізавых турыстаў у гэтым годзе.
