Навіны

У Гродне адкрылі выставу, прысвечаную 450-годдзю стварэння Рэчы Паспалітай

Выстава пра Люблінскую унію, падпісаную 450 гадоў таму, адкрылася ў гродзенскім Цэнтры гарадскога жыцця 21 кастрычніка, піша «Радыё С**бода».

Экспазіцыя складаецца з 14 стэндаў з фатаздымкамі Любліна — горада, дзе Вялікае Княства Літоўскае і Карона Польская пагадзіліся абʼяднацца. На фота відаць месцы, звязаныя з Люблінскай уніяй, паказаны іхні лёс.

На думку гаспадара Цэнтру гарадскога жыцця Паўла Мажэйкі, Люблінская унія — адзін з найважнейшых момантаў у еўрапейскай гісторыі. Сярод мэтаў выставы — паказаць беларусам, што не варта баяцца лічыць гэтую дзяржаву сваёй.

Павел Мажэйка
«Гэта нашая дзяржава [Рэч Паспалітая], якую стварылі нашыя продкі, развівалі яе. І мы маем абсалютнае права да таго, каб карыстацца гэтай спадчынай і шанаваць яе. Люблін, як і Гродна, дыхае гісторыяй на кожным кроку. Мы хочам, каб людзі ўбачылі, як можна на гэтым рабіць імя свайму гораду, рабіць яго прыгажэйшым, прывабнейшым. Паказаць, як у суседняй дзяржаве адзначаюць і паважаюць гістарычныя падзеі», — кажа Павел Мажэйка.

Генеральны консул Польшчы ў Гродне Яраслаў Ксёнжэк заўважыў, што Люблінская унія — унікальны прыклад таго, што карыснага могуць зрабіць разам розныя народы.

Генеральны консул Польшчы ў Гродне Яраслаў Ксёнжэк
«Люблінская унія паспрабавала зрабіць дзяржаву двух народаў, але насамрэч большай колькасці народаў: беларусы, армяне, украінцы, яўрэі… Не было пануючага народу. Люблінская унія, можа, апярэджвала сваю эпоху. Сёння варта яе дацаніць. Бо гэта была спроба паразумецца і стварыць супольную дзяржаву для розных, часта спрэчных паміж сабой памкненняў. Гэтая спроба была перакрэсленая гісторыяй, але гэта не значыць, што яна была кепская», — заўважыў Яраслаў Ксёнжэк.

Грэка-каталіцкі святар айцец Андрэй Крот звярнуў увагу, што Люблінская унія стала штуршком для падпісання царкоўнай Берасцейскай уніі ў 1596 годзе.

«Стала магчымым абʼяднанне падзеленых цэркваў, нягледзячы на рознасць, адметнасць кожнай дзяржавы і кожнай канфесіі», — сказаў айцец Андрэй Крот.

Выстава будзе працаваць да 12 лістапада.


Любіць хадзіць па вулачках і шкадуе аб Фары Вітаўта. Консул Яраслаў Ксёнжэк пра жыццё ў Гродне

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025