Выставу старых фотаздымкаў адкрылі 3 чэрвеня ў міжнародны дзень ровара. Больш за 20 фотаздымкаў 1930−40-х гадоў зараз упрыгожваюць фасад і залу гандлёвага цэнтра.

Фотаздымкі на выставу прадставіў журналіст Hrodna.life Руслан Кулевіч. Гэтыя здымкі ён збіраў на працягу апошніх трох гадоў. Некаторыя з іх увайшлі ў яго кнігі.

«Мы пачынаем супрацоўнічаць з гандлёвымі цэнтрамі. У пачатку сакавіка рабілі выставу фотаздымкаў гродзенак міжваеннага перыяду ў гандлёвым цэнтры „OldCity“, а да дня ровара далі фатаграфіі для „Kazzarma Mall“, у асноўным звязаныя з роварамі. Я думаю, гэта наш не апошні сумесны праект з гандлёвым цэнтрам. Будынак знаходзіцца ў былым ваенным гарадку, які забудоўваўся ў пачатку 20 стагоддзя. У архівах гродзенцаў захаваліся фатаграфіі гэтага месца ў розныя гады», — распавёў Руслан Кулевіч.

Магазін ровараў «Foxter» у гандлёвым цэнтры «Kazzarma Mall», натхніўшыся фатаграфіямі на выставе, плануе ўзнавіць даваенны гродзенскі ровар «Нёман».