На польска-беларускай мяжы агітуюць запісвацца ў перапісе палякамі

Актывісты фонда “Młode Kresy”, зарэгістраванага ў Польшчы, 5 кастрычніка з польскага боку мяжы ў Кузніцы агітавалі беларускіх грамадзян, якія стаялі ў чарзе ў пункт пропуску, запісвацца ў перапісе насельніцтва палякамі, паведамляе kresy.pl.

Актывісты раздавалі ўлёткі з інфармацыяй аб перапісе і заклікамі заявіць у час перапісу пра сваю польскую нацыянальнасць. Сваю акцыю яны назвалі „Pamiętam kim jestem” (“Памятай хто я”).

mlode kresy перепись населения беларуси поляки 04

“Калі яны ў нейкай ступені адчуваюць сябе палякамі, то няхай запішуцца палякамі”, – сказала журналістам TVP Białystok актывістка фонда “Młode Kresy” Эвэліна Падгорна, якая сама родам са Львова.

На гэтым тыдні актывісты плануюць таксама раздаваць улёткі на адным з літоўска-беларускіх пунктаў пропуску.

mlode kresy перепись населения беларуси поляки 04

Да пачатку перапісу актывісты расклейвалі ў беларускіх рэгіёнах, дзе жыве вялікая польская нацыянальнай меншасць, налепкі і плакаты падобнага зместу. Агітацыйныя матэрыялы з’явіліся ў Гродне, Лідзе, Шчучыне, Ваўкавыску, Воранаве і Іўе. Крытыку ў інтэрнэце выклікала налепка з Канстанцінам Каліноўскім на “Карце паляка” і подпісам “Я паляк”.

Хто такія “Młode Kresy”?

Фонд “Młode Kresy” зарэгістраваны ў Польшчы. Яго стварыла ў 2017 годзе моладзь, якая прыехала туды вучыцца з Беларусі, Літвы і Украіны.

mlode kresy перепись населения беларуси поляки 04

Старшыня фонду Міраслаў Капцэвіч кажа, што з’ехаў з Беларусі ў Польшчу з-за пераследу з боку міліцыі і КДБ, якім не падабалася яго грамадская дзейнасць.

“Мы хочам, каб польскасць у Беларусі жыла, мы хочам размаўляць на роднай мове, ведаць сваю культуру, сваю традыцыю. Калі нас будзе ўсё менш, то ўжо не будзе ані мовы, ані культуры”, – патлумачыў Міраслаў.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Каментары

Spelling error report

The following text will be sent to our editors: