У Слоніме да Дня беларускага пісьменства добраўпарадкуюць набярэжную канала Агінскага і адкрыюць пасля рамонту і рэканструкцыі некалькі знакавых аб’ектаў, распавёў начальнік галоўнага ўпраўлення ідэалагічнай работы і па справах моладзі Гродзенскага аблвыканкама Аляксандр Вярсоцкі.
Асноўныя мерапрыемствы Дня беларускага пісьменства разгорнуцца на больш чым дзесяці пляцоўках горада, піша belta.by. Добраўпарадкоўваюць набярэжная канала Агінскага — папулярнае месца адпачынку. Будзе здадзена пасля рэканструкцыі гасцініца «Шчара», «бо горад прывабны для турыстаў, а значыць, павінен быць гасцінным ва ўсіх адносінах», заўважыў Аляксандр Вярсоцкі.
На цэнтральнай плошчы Слоніма адкрыюць помнік Льву Сапегу. Некалі выдавец Статута Вялікага Княства Літоўскага быў старастай старажытнага горада, пры Льву Сапегу Слонім актыўна развіваўся. На гэтым тыдні, як чакаюць, статуя будзе адлітая, пасля чаго зоймуцца яе устаноўкай.
«Актыўна ўключыліся ў добраўпарадкаванне прадпрыемствы раёна і, што прыемна, жыхары Слоніма, якія наводзяць парадак у сваіх дварах і падворках», — адзначыў Аляксандр Вярсоцкі. Ён удакладніў, што на падрыхтоўку Слоніма да правядзення свята з усіх крыніц накіравана каля Br10 млн.
Да Дня беларускага пісьменства рыхтуюць друкаваную прадукцыю: набор паштовак з старымі відамі Слоніма, зборнік твораў пісьменнікаў і паэтаў слонімскай зямлі, а таксама тэматычныя альбомы, выданні, прысвечаныя прыгажосці, гісторыі і турызму ў Гродзенскай вобласці.
Дзень беларускага пісьменства адзначаецца з 1994 года ў першую нядзелю верасня. Цэнтрам свята станавіліся розныя гарады: Полацк (тройчы), Тураў (двойчы), Навагрудак, Нясвіж, Орша, Пінск, Заслаўе (двойчы), Мсціслаў, Мір, Камянец, Паставы, Шклоў, Барысаў, Смаргонь, Хойнікі, Ганцавічы, Глыбокае, Быхаў, Шчучын, Рагачоў, Іванава.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…