39-гадовы мужчына прыйшоў у банк у Брэсце абмяняць 100 долараў. Супрацоўніца банка зразумела, што купюра фальшывая, і звярнулася ў праваахоўныя органы. Як патлумачыў жыхар Брэсту, купюру ён атрымаў ад сваякоў у падарунак на вяселлі. Хто канкрэтна падарыў, ён не памятае. Мужчына і не здагадваўся, што 100-доларавая банкнота можа быць падробленай, паведамляе sudexpert.gov.by.

Каб выявіць сапраўднасць купюры, прызначылі экспертызу. Паводле высноваў эксперта Брэсцкага міжраённага аддзела Дзяржаўнага камітэта судовых экспертыз, купюру проста раздрукавалі, ахоўная нітка і вадзяны знак на купюры імітаваны.

Узбуджаная крымінальная справа па ч.1. арт.221 КК (выраб, захоўванне або збыт падробных грошай ці каштоўных папер).

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

Spelling error report

The following text will be sent to our editors: