З выявай Давыда Гарадзенскага: глядзіце, які медаль будуць уручаць сёлета ўдзельнікам “Гарадзенскай Вандроўкі”

За 1,5 месяцы да чарговага гістарычнага забегу “Гарадзенская Вандроўка” на яго ўжо зарэгістравалася 376 чалавек. Арганізатары тым часам паказалі медаль, які будуць уручаць усім удзельнікам. Сёлета ён з выявай Давыда Гарадзенскага. 

“Гарадзенская Вандроўка” праходзіць па вуліцах гістарычнага цэнтра. У гэтым годзе забег пройдзе трэці раз. Папулярнасць спартыўнага мерапрыемства расце з кожным годам. У 2017 годзе на дыстанцыю выйшлі каля 200 спартсменаў, праз год у два разы больш. У 2019 годзе чакаецца рэкордная колькасць удзельнікаў. На 17 красавіка было зарэгістравана ўжо 376 чалавек.

На “Гарадзенскую Вандроўку” штогод прыязджаюць аматары бегу з розных рэгіёнаў Беларусі і блізкага замежжа. Усе ўдзельнікі пасля пераадолення дыстанцый атрымліваюць унікальныя медалі. У гэтым годзе арганізатары размясцілі на ім партрэт гродзенскага старасты і палкаводца ВКЛ – Давыда Гарадзенскага. Такі медаль з’явіцца на шыі кожнага бягуна, які перасячэ фінішную лінію.
З выявай Давыда Гарадзенскага: глядзіце, які медаль будуць уручаць сёлета ўдзельнікам "Гарадзенскай Вандроўкі"
Сёлета “Гарадзенская Вандроўка” пройдзе 2 чэрвеня. Спаборніцтвы праводзяцца на дыстанцыях 10 і 5 км. Дарослым, каб прабегчы адну з дыстанцый, трэба зарэгістравацца і аплаціць стартавы ўнёсак. Дзеці рэгіструюцца бясплатна,  перад стартам.

“Гарадзенская Вандроўка” – 2017
“Гарадзенская Вандроўка” – 2018

Каментары

Spelling error report

The following text will be sent to our editors: