Навіны

«Такая доўгая зіма». Слухайце першы за 15 гадоў новы студыйны альбом Віктара Шалкевіча

Гэтай падзеі прыхільнікі гродзенскага музыкі чакалі 15 гадоў. Шалкевіч запісаў студыйны альбом новых песень ды яшчэ ў поўным гуку. Рэліз выйшаў падвоеным з 14 гітамі выканаўцы ў дадатак. Інтэрнэт-прэм'ера на TuzinFM!

Пра свой намер наведаць студыю, каб запісаць альбом Віктар Шалкевіч абвесціў яшчэ пяць гадоў таму. Але далей за прэзентацыю канцэртных версіяў новых песень справа за гэты час так і не даходзіла. Папярэднія два альбомы гродзенскага барда «Шчаслівая сямёрка» (2010) і «Гарадзенец прызямліўся ў Менску» (2006) таксама ўяўлялі з сябе канцэртныя запісы.

Віктар Шалкевіч, канцэрт да 60-годдзя ў Гродне
І вось нарэшце на 60-годдзе музыкі пабачыў свет падвоены CD «Такая доўгая зіма» з новымі запісамі і даўнімі гітамі. Усяго ў рэліз увайшлі 33 трэкі - 9 з іх зусім новыя, якія запісваліся ў студыі кляштару ў Баранавічах. Да кожнага з іх музыка запісаў яшчэ прадмову. А ў другі дыск увайшло 14 абраных гітоў Шалкевіча, якія ў свой час былі запісаныя і зведзеныя ў студыі «Радыё Беласток». Адмыслова да прэзентацыі на TuzinFM аўтар альбому падрыхтаваў прадмову.


Хіба гады з паўтары таму да мяне падышоў вядомы гродзенскі журналіст, грамадскі дзеяч і проста харошы чалавек, Павел Мажэйка, дырэктар Цэнтра гарадскога жыцця, і запрапанаваў мне да майго 60-гадовага юбілею выдаць альбом…

Альбом запісваць вельмі цяжка. Арганізацыйных пытанняў больш, чым творчых адказаў - з кім, калі, дзе, за якія грошы, што, хто будзе рабіць вокладку, дзе друкаваць дыскі, ці добра сыграе той ці гэты? Але грошы знайшліся, і якраз на дзевяць песень…

З вопыту працы над папярэднімі альбомамі ведаеш адно — важна ўсіх пазбіраць, сустрэць, напаіць, накарміць, прымусіць зайграць тое, што ты хочаш, з другога ці трэцяга дублю, аддаць ганарар, пасадзіць на бліжэйшы цягнік ці ў аўтобус і адправіць дахаты.

Тое, што ты там наспяваеш — гэта на апошнім месцы… Галоўнае — калектыў…


«Зянон Пазняк дагэтуль на мяне пакрыўджаны». Барду і акцёру Віктару Шалкевічу — 60 гадоў


Ёсць у файным горадзе Баранавічы пры кляштары айцоў вербістаў студыя гуказапісу, стварэнне якой дабраславіў сам кардынал Казімір Свёнтак, а парадку там пільнуе Вечаслаў Банкевіч, Слава, вельмі чуйны музыка і выдатны гукарэжысёр. З ім мы згаварыліся, што будзем працаваць, і Слава ўзяў на сябе адказнасць за музычны бок, тым больш што ў яго меўся цэлы спіс харошых студыйных баранавіцкіх музыкантаў, сяброў і знаёмых.

Вось мы і запісалі дзевяць твораў, і атрымаўся альбом. Альбом падвойны — апрача новых песень, на другім дыску сабраныя чатырнаццаць найлепшых старых баладаў…

Канцэпцыя ягоная ў ім жа і выкладзена — перад кожнаю песняю я распавядаю, чаму яна і нашто яна.

Прыемнага праслухоўвання!


«Гэта голас Гародні». Гродзенцы расказалі, што для іх значыць Шалкевіч


Віктар Шалкевіч — «Такая доўгая зіма» (2019)

У запісе ўзялі ўдзел:

Віктар Шалкевіч — музыка, словы, сьпеў, гітара

Віктар Грышук — сола-гітара

Анатоль Кандыба — клявішныя, майстарынг

Натальля Трухан — скрыпка

Фота — Ільля Гелей

Графічны дызайн - Зьміцер Гупянец

Прадусар — Павал Мажэйка


Віктар Шалкевіч знайшоў сваякоў у Расіі, высланых з Беларусі 120 гадоў таму за веру

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025