«Наколькі цікавым можа быць кіно з маленькіх краін». Кінафестываль «Паўночнае ззянне» праходзіць у Гродне

У Мінску праграма фестывалю складалася з 18 фільмаў. У Гродне квінтэсэнцыю паўночнага і балтыйскага кіно паспрабавалі ўціснуць у адны выходныя і паказаць чатыры фільмы — дзве камедыі і дзве драмы.

У праграме: шведскі фільм «Былая жонка», дацкі «Жахлівая жанчына», эстонскі «Канец ланцужка» і латвійскі «Хронікі Мэлані». Паказы ідуць штодня з 25 па 28 кастрычніка.


«Паўночнае ззянне» хутка прыйдзе ў Гродна. Чаму варта наведаць гэты кінафестываль


— «Паўночнае ззянне» пачынаўся як фестываль паўночнага кіно, а на другі год да яго прыядналіся і балтыйскія краіны. Я думаю, вы зможаце ацаніць, наколькі розным і цікавым кіно можа быць, нават калі яно з дастаткова маленькіх і малавядомых краін, - кажа Шарунас Радвілавічус, намеснік дырэктара офіса Савета міністраў Паўночных краін у Літве, які з’яўляецца галоўным арганізатарам фестывалю.

Шарунас Радвілавічус кажа, што многія скандынаўскія рэжысёры і акторы вядомыя ў свеце і атрымліваюць прызы на найлепшых фестывалях, хоць і паходзяць з маленькіх краін з нераспаўсюджанымі шырока мовамі. Гэта можа стаць прыкладам для беларускага кіно.

Саветнік амбасады Швецыі ў Рэспубліцы Беларусь Б’ёрн Сула прыехаў у Гродна, каб паглядзець стужку «Былая жонка», якую ён раней не бачыў. Пажыўшы ў Беларусі год, Б’ёрн лічыць, што мы не такія ўжо і розныя. У абедзьвюх краінах прыгожая прыгода, ветлівыя людзі і любоў да хакею. На самалёце ад Мінску да Стакгольма ляцець усяго гадзіну і 15 хвілін. А культура, у тым ліку такія фестывалі, яшчэ лепш разбурае межы паміж намі.


Нязломная. Пра што фільм «Хронікі Мэлані», які вы можаце паглядзець на «Паўночным ззянні»


Распачаўся фестываль шведскім фільмам «Былая жонка». У ім паралельна расказваюць пра жыццё дзяўчыны ў адносінах, жонкі з маленькім дзіцём і разведзенай жанчыны. У кожнай свае праблемы і свае перажыванні. Пра што фільм, сказаць цяжка. Камусьці ён здаўся негатыўным, камусьці - зацягнутым. Але паглядзець на шведскую рэальнасць было цікава. Наперадзе яшчэ некалькі дзён, каб азнаёміцца з кіно Даніі, Эстоніі і Латвіі.

Падзяліцца

Апошнія запісы

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам у 60 метрах ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025