У Аўгустоўскага канала з’явіўся брэндавы ролік з новым лагатыпам (відэа)

Новы брэндавы ролік пра Аўгустоўскі канал як адну з турыстычных зон з’явіўся на старонцы прадстаўніцтва Еўрапейскага Саюза ў фейсбуку.

Відэаролік стварылі ў межах праекта па развіцці турызму і пры фінансавай падтрымцы Еўрапейскага саюза. Паводле праекта для турыстычных зон ствараюць рэкламныя і прэзентацыйныя матэрыялы. У відэа выкарыстоўваюць і новы лагатып Аўгустоўскага канала, які пазіцыянуюць як «беларускае памежжа, дзе раскрываецца багацце еўрапейскай і беларускай культурнай спадчыны».

У роліку расказваюць пра трох сяброў, якія жывуць у суседніх краінах, але хутка спісваюцца і лёгка сустракаюцца ў мястэчку Нямнова, што каля Аўгустоўскага канала. Адзін з сяброў плыве з польскага Аўгустова на байдарцы, другі з Друскінінкая едзе роварам, трэцяя з Гродна дабіраецца на цеплаходзе.

player.vimeo.com/video/235 618 592

«Гэта добры, вельмі жывы ролік з незвычайнай падачай. У ім ёсць навізна, крэатыў і моладзь. Ён лепшы за іншыя прэзентацыйныя відэа, і я гатовы паставіць яму 10 балаў. Чаму мы дапамаглі? Бюджэт насамрэч быў невялікі, а мы гатовы дапамагаць усім добрым справам, якія робяцца для горада,» — кажа Сяргей Каляда, намеснік старшыні «Рэспубліканскага турыстычна-спартыўнага саюза».

Што да блакітна-аранжавага лагатыпа, то яго асноўным сімвалам стаў вобраз каменнай фігуры ў выглядзе ладдзі, якую знайшлі ў гродзенскай мясцовасці, і фармальныя сімвалы запорных варотаў канала.

Паводле праекта «Падтрымка ўстойлівага развіцця турызму ў Беларусі» для рэгіёна павінны былі да 16 лютага распрацаваць стратэгіі развіцця турызму з улікам мясцовай спецыфікі ў супрацоўніцтве з мясцовымі ўладамі і гаспадарамі турыстычных аб’ектаў. Таксама рэгіёну далі рэкамендацыі, як павысіць якасць турыстычных паслуг на аснове еўрапейскай практыкі.

Акрамя Аўгустоўскага канала, праект ахоплівае Полацк і Полацкі раён, тэрыторыю ўздоўж аб’язной дарогі вакол «Белавежскай пушчы», Камянецкі і Пружанскі раёны, Мядзельскі раён і возера Нарач, Мсціслаў і Мсціслаўскі раён.

У кантэксце праекта кожная з гэтых тэрыторый пазначаецца як цэнтр, які прадстаўляе комплексныя паслугі для турыстаў, і ўключае ў сябе геаграфічны, інфраструктурны, маркетынгавы, сацыяльны і кіраўнічы кампаненты.

Каб прасоўваць беларускія тэрыторыі, разам з айчыннымі спецыялістамі ствараюць прэзентацыйныя друкаваныя матэрыялы.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025